बिहारक नबका विधानसभा केर उद्घाटन आय, दिल्ली के संसद भवन जोका डिजाईन - मिथिला दैनिक

Breaking

शनिवार, 19 नवंबर 2016

बिहारक नबका विधानसभा केर उद्घाटन आय, दिल्ली के संसद भवन जोका डिजाईन

पटना। 19 नवम्बर। नई दिल्ली केँ संसद भवन केर तर्ज पर बनल बिहार विधानसभा के औपचारिक उद्घाटन आय शनिवार के' मुख्यमंत्री नीतीश कुमार करता। एहि दौरान मंत्रींमंडल के सभ सदस्य के संगे - संग विपक्ष के विधानसभा सदस्य सभ सेहो मौजूद रहता। करीब 362 करोड़ केँ लागत सँ बनल इमारत क' देखला पर बुझायत अछि जेना नई दिल्ली केँ संसद भवन सामना ठाढ़ अछि। बिहार विधानसभा के एहि नव भवन म' संयुक्त सत्र केर शुरूआत के संग आबै बला शीत कालीन सत्र सेहो चलत।

362 करोड़ लागत सँ बनल एहि भवन के बहुत रास खासियत अछि।भवन म' कुल 151 कमरा अछि।  सदन म' कुल 550 सीट अछि। भवन केँ अगुलका हिस्सा संसद भवन जोका देखार दैत अछि। सभ मंत्री लोकनिक दफ्तर सेहो नबके भवन म' होयत जाहिठाम से ओ अप्पन काज क' सकता। ध्यान देबाक गप इ कि नव भवन के बनलाक बाद पुरनका भवन के की होयत ? तेँ अपने क' बता दी कि विधानसभा के पुरनका भवन क' हेरिटेज भवन केँ तरह राखल जायत।