बुजुर्ग जगत सिंह जैन जमा केलन्हि सौ - सौ केर अस्सी हजार टक्का - मिथिला दैनिक

Breaking

शनिवार, 19 नवंबर 2016

बुजुर्ग जगत सिंह जैन जमा केलन्हि सौ - सौ केर अस्सी हजार टक्का

भागलपुर। 19 नवम्बर। नोटबंदी केँ फैसलाक बाद पूरा देश म' चैल रहल सौ - सौ टक्का के किल्लत क' देखैत 85 वर्षीय जगत सिंह जैन पंजाब एण्ड सिंध बैंक म' 100 - 100 टक्का के अस्सी हजारक नोट जमा केलन्हि। स्थानीय बाजार म' एक दोकान के मालिक श्री जैन लोग सभक  समस्या सँ एतेक विचलित भेला कि हुनका लग जतेक 100 - 100 नोट छलैन्ह ल' बैंक मैनेजर लग पहुँच अप्पन खाता म' जमा करेला ताकि लोग सभक मदद भ' सकैन।

श्री जैन बैंक प्रबंधक क' कहला कि हुनकर एहि पैसा सँ कम सँ कम चालीस लोगोक सहायता हेतैन्ह। बुजुर्ग के एहि जज्बा क' देखैत बैंक कर्मचारी शुरू म' हुनका ऐना करबा सँ मना केलन्हि आर कहलन्हि कि ई पैसा एहि संकट के दौर म' हुनका काज हेतैन्ह मुदा ओ खाता म' जमा करा देलाह। श्री जैन केँ सहृदयता क' देखैत बैंक प्रबंधक बाद म' हुनका घर पहुँच धन्यवाद देलन्हि।