सरकार के एखन धरिक सभ सँ बड़का डेग 500 आर 1000 टक्का के मौजूदा नोट भेल बंद - मिथिला दैनिक

Breaking

बुधवार, 9 नवंबर 2016

सरकार के एखन धरिक सभ सँ बड़का डेग 500 आर 1000 टक्का के मौजूदा नोट भेल बंद

दिल्ली। 09 नवम्बर। भ्रष्टाचार आर जाली नोट पर लगाम लगेबाक मकसद सँ पीएम नरेंद्र मोदी कैल्ह मंगलवार दिन 1000 आर 500 टक्का के मौजूदा करंसी नोट क' 8 नवंबर राति 12 बजे सँ बंद करबाक ऐलान केलन्हि। राष्ट्र क' संबोधित करैत पीएम मोदी कहला कि 500 आर 1000 टक्का के करंसी नोट लीगल टेंडर नोट (यानी कानूनी रूप से मान्य) नहि रहत। ऐहिक  अलावा आन सभ नोट आर सिक्का मान्य होयत। पीएम मोदी कहला कि हम जाली नोट आर करप्शन के खिलाफ जे जंग लड़ी रहल छी, एहि से ओय लड़ाई क' ताकत भेटत।

8 नवंबर सँ अमान्य ठहराओल गेल 500 आर 1000 टक्का के नोट क' लोग 10 नवंबर से 30 दिसंबर 2016 धरी बैंक या फेर डाकघर के खाता म' जमा करा सकैत छैथ। पीएम मोदी कहल कि  "एही सभ नोट क' जमा करेबाक लेल अपने लग करीब 50 दिन केर समय अछि, एहि स्थिति म' अपने क' कुनु तरहक अफरातफरी केर जरूरत नहि अछि। अपनेक  धनराशि अपनहिक होयत आर अपने क' कुनु तरहक चिंता करबाक  जरूरत नहि अछि।"