मोकामा पटना रेलखंड पर ट्रेन परिचालन बाधित - मिथिला दैनिक

Breaking

शनिवार, 1 अक्तूबर 2016

मोकामा पटना रेलखंड पर ट्रेन परिचालन बाधित

पटना। 01 अक्टूबर। दानापुर रेल मंडल के मोकामा आर बाढ़ रेलखंड के पंडारक स्टेशन लग अप रेल लाइन पर ओवरहेड तार टुटला सँ रेल परिचालन बाधित भ' गेल अछि। कैल्ह शुक्रवार रातिक नौ बजे अप रेल लाइन पर तार टुटीके गिरल छल। अप लाइन पर जाय बला सभ ट्रेन मोकामा, बड़हिया, लखीसराय स्टेशन पर रोकल गेल। रातिक दुइ बजे तक अप लाइन पर रेल सेवा बहाल भेल छल।

ओवरहेड तार टुटला सँ हावड़ा पटना जनशताब्दी एक्सप्रेस, हावड़ा दिल्ली तूफ़ान एक्सप्रेस, हावड़ा अमृतसर पंजाब मेल, साहेबगंज दानापुर इंटरसिटी, हावड़ा हरिद्वार उपासना एक्सप्रेस, राजगीर दानापुर पैसेंजर, झाझा पटना पैसेंजर, गुवाहाटी राजेंद्रनगर कैपिटल एक्सप्रेस विभिन्न स्टेशन पर रोकल गेल छल।