जज साहेब, पहिने हम लड़का रही मुदा आब लड़की छी : माही गुप्ता - मिथिला दैनिक

Breaking

शुक्रवार, 7 अक्तूबर 2016

जज साहेब, पहिने हम लड़का रही मुदा आब लड़की छी : माही गुप्ता

कटिहार। 07 अक्टूबर। सिविल कोर्ट म' ओय समय  लोग अंचभित रही गेल, जखन एक मामला म' युवक केर जगह युवती पेश भेलीह। मामला चंदन नामक युवक पर दर्ज छल। जज साहेब, सवाल केलन्हि तेँ जबाब आयल हमहिं चंदन छी, आब लिंग परिवर्तन करि माही बनी जेल छी।

गौरतलब अछि कि कटिहार केर सेमापुर इलाका के रहिवासी एहि शख्स केर पहचान इलाका म' कहियो चन्दन नाम सँ छल। मुदा ओ लिंग परिवर्तन करा लेलन्हि। आर आब माही बैन गेली। माही क' हुनक घरक लोग ठुकरा देना छैन्ह। चंदन अप्पन लिंग परिवर्तन मुंबई म' करौलन्हि।

ओना तेँ लिंग परिवर्तन केलाक बाद माही क' कैको मुश्किलक सामना करे परलैन्ह। थर्ड जेंडर केर लेल काज करै बला संस्था केर संग जुडी माही आब  सामजिक काज करैत छथि। कटिहार केँ एक परिवार माही क' रहबाक लेल घर देना छैन्ह। माही केर कहब छैन्ह हुनक परिवारक लोग हुनकर फीलिंग क' नै बुझैत छलैन्ह।

माही केर एहि डेग सँ कटिहार सिविल कोर्ट असमंजस म' अछि। कटिहार सिविल कोर्ट केर अधिवक्ता कहला कि माही जखन कोर्ट म' पेश भेली तेँ कहल गेल कि एहि मामला म' हुनक परिवारक लोग शपथ पत्र दाखिल करैथ। जाहि म' बताओल जाय कि माहीये चंदन छलाह। लेकिन परिवारक लोग आब माही केर संपर्क म' नै छैथ। ऐना म' माही केर संकट बढ़ी गेल छैन्ह।