मेटा रहल अछि मिथिला स्टेडियम केर पहचान - मिथिला दैनिक

Breaking

सोमवार, 12 सितंबर 2016

मेटा रहल अछि मिथिला स्टेडियम केर पहचान

दरभंगा। 12 सितंबर। बिरौल अनुमंडल मुख्यालय केँ इकलौता मिथिला स्टेडियम अप्पन बदहाली पर नार बहा रहल अछि। ई मैदान आजादी के पूर्व सँ खेलाड़ी सभक खिदमत करैत आबि रहल अछि। हरेक चुनाव म' एहि स्टेडियम के बदहाली दूर होयबाक उम्मीद जताओल जायत अछि।  उम्मीदवार सभ सँ से आश्वासन सेहो भेटैत अछि। मुदा, चुनावी शोर समाप्त भेलाक बाद सभ सपना चकनाचूर भ' जायत अछि। उपेक्षा के कारण सँ एहि स्टेडियम केर पहचान मेटा रहल अछि। ओंकार उच्च विद्यालय केँ खेल मैदान क' स्टेडियम के दर्जा भेटल। स्टेडियम के दर्जा चारि बरख पहिने भेटल छल। पूर्व विधान पार्षद संजय झा केँ अथक प्रयास सँ विभाग द्वारा लाखों के लागत स' निर्माण काज शुरु कायल गेल छल जे चारि बरख बितलाक बादो पूरा नै भेल।