भारी बारिश सँ महाराष्ट्र मेँ तबाही, महाड मेँ पुल ढहल, कैको गाड़ी बही गेल - मिथिला दैनिक

Breaking

गुरुवार, 4 अगस्त 2016

भारी बारिश सँ महाराष्ट्र मेँ तबाही, महाड मेँ पुल ढहल, कैको गाड़ी बही गेल

मुंबई। 4 अगस्त। कैल्ह राति NH17 पर महाराष्ट्र केँ महाड म' ब्रिटिश काल मेँ बनल करीब 170 बरख पुरान मुंबई-गोवा हाईवे पुल भारी बरसात केर करण सँ अस्सी फीसदी तक टुइट केँ बही गेल अछि। मुंबई सँ करीब 175 किलोमीटर दूर भेल एहि हादसा केँ बाद मुंबई-गोवा हाईवे केँ दुनु दिस बहुत लंबा ट्रैफिक जाम भ' गेल अछि।

कहल जे रहल अछि कि सावित्री नदी म' बाढ़िक पैन ऐला सँ पुल  केँ नुकसान भेल अछि। एहि हादसा मेँ यात्री सँ भरल 2 बस केँ संगे संग लगभक 15 आन गाड़ि बहल। भारतीय तट रक्षक द्वारा लापता वाहन केँ खोज लेल चेतक हेलीकॉप्टर भेजल गेल अछि। राहत आर बचाव केँ दौरान 2 शव निकालल गेल अछि। हेलीकॉप्टर आर बोट केँ संग सर्च ऑपरेशन जारी अछि। एनडीआरएफ केँ टीम मौका पर पहुँच रेस्क्यू म' भिरल अछि। भारी बारिश आर पुल लग जलभराव केँ कारण रेस्क्यू मेँ परेशानी भ' रहल छैक।

अपने केँ बता दी एहिठाम 2 समानांतर पुल छल, एक नव पुल आर एक केर निर्माण ब्रिटिश काल म' भेल छल। पुरनका पल ढहल अछि। एहि हादसा मेँ 50 सेँ बेसी लोग लापता अछि।