सहरसा-मानसी रेलखंड केँ फनगो हॉल्ट लग कटाव तेज - मिथिला दैनिक

Breaking

शनिवार, 23 जुलाई 2016

सहरसा-मानसी रेलखंड केँ फनगो हॉल्ट लग कटाव तेज

सहरसा। 23 जुलाई। कोसी केँ लाइफ लाइन मानल जाय बला सहरसा-मानसी रेलखंड पर कोसीक कहर तेज भ' गेल अछि। पिछला किछ दिन सँ होय बला बारिश व कोसी केँ जलस्तर म' उतार चढ़ाव सेँ रेलखंड केँ फनगो हॉल्ट लग कोसी केर  कटाव तेज भ' गेल अछि।14/2 सँ 14/7 किलोमीटर बिन्दु केँ बीच कोसी नदीक  कटाव तेज भ' गेल अछि।

पिछ्ला एक पखवारा सेँ जारी कोसी के कटाव सँ रेलवे ट्रैक पर खतरा दिन प्रतिदिन बढ़ल जे रहल अछि। कटाव क' देखैत अभियंता सभक टीम दिन-राति कैंप करी कटाव केर स्थिति पर नजर राखने अछि। बावजूद एकर  कटाव निरोधी कार्य शुरू नै भेल अछि। जाहि सेँ आसपास केर ग्रामीण सभ मेँ रेलवे केँ सुस्ती सँ आक्रोश उत्पन्न भ' गेल अछि। ग्रामीण सभक कहब छैन्ह कि कटाव तेज भेल तेँ  ट्रैक बहैते असपास केर गाम म' तबाही मैच सकैत अछि। संगहि कोसी केँ लाईफ लाइन पर ट्रेन परिचालन सेहो  बाधित भ' जायत।

कोसी बराज सेँ लगातार छोरल जे रहल पैनक कारण स' कटाव स्थल केर नजदीक पुल संख्या 47 लग जलस्तर में वृद्धि देखल जे रहल अछि। शुक्रवार दिन पुल संख्या 47 केँ जलस्तर 36.60 देखल गेल जेकी ख़तरा केर निशान सँ मात्र  डेढ़ मीटर कम अछि।

ग्रामीण सभक अनुसार पैनक स्थिति देख बुझा रहल अछि कि यदि रेलवे द्वारा अविलम्ब काज सुरु नै कायल गेल तेँ अगला दुई दिन मेँ रेलखंड क' बचेनाय मुश्किल भ' जायत। फनगो हॉल्ट लग 14/4 सँ 14/7 किलोमीटर तक केँ तेज कटाव क' रेलवे नजर अंदाज क' रहल अछि। कटाव केर रफ्तार एतेक बेसी अछि मुदा ओहि जगह रेलवे द्वारा बोल्डर तक नै गिराओल गेल अछि। आय शनिवार दिन लगभग 29 बोगी बोल्डर धमारा घाट पहुंचल अछि। उम्मीद कायल जे रहल अछि की आय सेँ कटाव स्थल पर कटाव निरोधी काज  शुरू भ' जायत।