बिहार पुलिस भेल बेलगाम, गोपालगंज सिविल कोर्ट के जजक केलक पिटाई - मिथिला दैनिक

Breaking

शुक्रवार, 1 जुलाई 2016

बिहार पुलिस भेल बेलगाम, गोपालगंज सिविल कोर्ट के जजक केलक पिटाई

गोपालगंज। 1 जुलाई। बिहार म' अपराधि सभक सक्रियता क' देखैत अपने जंगलराज केर अनुमान लगा सकैत छी।  मुदा अपराधि सभक नकेल कसाई बला पुलिस खुदे बेलगाम देखार दैत अछि। गोपालगंज म' बेलगाम पुलिस कुनु आम आदमी के नै बल्कि सिविल कोर्ट म' कार्यत  एसीजेएम-1 प्रभुनाथ प्रसाद केर पिटाई क' देलन्हि अछि।

एहि तरहे जजक पिटाई सँ  गुस्साएल  गोपालगंज न्यायालय केर वकील सभ कैल्ह गुरुवार दिन काज करबाक बहिष्कार केलाह। जानकारी केर मुताबिक गुरुवार दिन सिविल कोर्ट गोपालगंज के एसीजेएम-1 प्रभुनाथ प्रसाद सब दिनक तरहे अप्पन  स्कूटर सँ कोर्ट कैंपस आबैत छलाह। तखने नगर थाना केर मौनिया चौक के पास ड्यूटी पर तैनात पुलिस कर्मि सभ हुनका रोकलन्हि। पुलिस कर्मि सभ द्वारा जजक परिचय देबाक बावजूद जज संग बदसलूकी आर धक्कामुकी कैल गेल छल।

वरिष्ठ अधिवक्ता राजेश पाठक केर मुताबिक जहिना जिले केर सभ  सभी वकील क' जज संग बदसलूकी आर  माईरपीट केर समाद भेटल सभ काज करबा सँ  मना क' देलाह। वकील सभ मील दोषी पुलिस कर्मि सभक खिलाफ कार्रवाई केर मांग कएलन्हि। एहि  घटना केर बाद लोग सभ बहुत आक्रोशित छैथ। जखन एसीजेएम-1 प्रभुनाथ प्रसाद सँ बात कायल गेल तेँ ओ कहला कि पूरा मामला के सूचना वरिष्ठ पदाधिकारि क' द' देल गेल अछि, संगहि  पूरा मामला के लिखित शिकायत गोपालगंज एसपी क' सेहो देना छैथ।