मुजफ्फरपुर: मोदी जी पर तिरंगा केर अपमानक मुकदमा दर्ज, 16 जुलाई क' होयत सुनवाई - मिथिला दैनिक

Breaking

शुक्रवार, 1 जुलाई 2016

मुजफ्फरपुर: मोदी जी पर तिरंगा केर अपमानक मुकदमा दर्ज, 16 जुलाई क' होयत सुनवाई

मुजफ्फरपुर। 1 जुलाई। मुजफ्फरपुर व्यवहार न्यायालय म' प्रधानमंत्री नरेंद्र मोदी केर खिलाफ मुकदमा दर्ज कराओल गेल अछि।

मुख्य न्यायिक दंडाधिकारी लग पीएम मोदी के खिलाफ राष्ट्रध्वज केर अपमानक मुकदमा दर्ज कराओल गेल अछि। जिला के पोखरिया गामक रहिवासी प्रकाश कुमार द्वारा अंतर्राष्ट्रीय योगा दिवस केर दिन प्रधानमंत्री द्वारा तिरंगा केर  अपमान करबाक मुकदमा दर्ज कराओल गेल अछि।

प्रकाश कुमार  कोर्ट म' शिकायत केलाह कि ओहि दिन प्रधानमंत्री मोदीजी तिरंगे सनक एक कपड़ा के उपयोग केलाह आर ओहि कपड़ा सँ बेर - बेर ओ अप्पन हाथ आर मुंह साफ करैत छलाह।

प्रकाश कुमार के मुताबिक मोदी क' ऐहेन केला सँ लाखों देशवासि सभक भावना आहत भेल अछि आर राष्ट्रध्वज केर  अपमान सेहो भेल अछि। प्रकाश कुमार द्वारा कोर्ट क' ऐहेन फोटो सबूतक तौर पर सौंपल गेल जाहि में मोदी जी योगा डे के दिन अप्पन गर्दैन म' में तीन रंग बला कपड़ा डालने छैथ।

प्रकाश कुमार एहि फोटो क' सबूत के तौर पर याचिकाक संग कोर्ट के समक्ष पेश केना छैथ। कोर्ट एहि मामलाक सुनवाई लेल 16 जुलाई केर तारीख निर्धारित केना अछि।