बिहार के हर जिलाक दुई गाम सुकन्या गामक तौर पर विकसित होयत - मिथिला दैनिक

Breaking

शनिवार, 25 जून 2016

बिहार के हर जिलाक दुई गाम सुकन्या गामक तौर पर विकसित होयत

पटना। 25 जून। बिहार डाक सर्किल केर निदेशक अदनान अहमद कैलह पटना म' पत्रकार सभ क' संबोधित करबाक दरमियान कहला की बेटी सभ के सुरक्षित, सम्यक आर संपूर्ण उत्थान के लेल बिहार डाक सर्किल सुकन्या समृद्धि खाता खोलेनाय क' बढ़ाबा दैत बिहार के हर जिलाक दुई गाम क' सुकन्या गामक तौर पर विकसित कायल जायत।

आगा अहमद जी कहला की भागलपुर जिलाक धरहरा गाम आर भोजपुर जिलाक हेन्वा गाम शत प्रतिशत सुकन्या गाम मतलब एहिठामक सभ योग्य बेटी सभक सुकन्या समृद्धि खाता खोलवा म' सफलता प्राप्त क' लेल गेल अछि।

अपने के बता दी भागलपुरक ई धरहरा गाम म' बेटी केर जन्म लेला पर फलदार गाछ आम या लीची के गाछ रोपबाक परंपरा अछि।

अहमद जी कहला की ग्राहक सभक शिकायत के तत्क्षण निवारण के लेल बिहार डाक सर्किल द्वारा WhatsAap नंबर 9430074042 जारी कायल गेल अछि जहि के माध्यम सँ एखन धरी भेटल 500 शिकायत म' से 95 प्रतिशत केर  निष्पादन क' देल गेल अछि ।