2
उपस्थित सदस्यगण! श्रेष्ठ, मित्र एवं अनुज!!


हार्दिक स्वागत एवं अभिनन्दन!

आजुक मिटिंग निरंतरता में अछि आ आब मैथिलीके मिथिलाक चौरी सऽ निकलि दहेज मुक्त मिथिलाके एहि दलानपर अपने लोकनिक पुनः स्वागत अछि। हमरा लोकनि लगभग हर विन्दुपर चर्चा कयलहुँ आ बहुतो रास बातके निर्णय कयलहुँ। सौभाग्य हमरा लोकनिक जे एहि मिटिंगमें श्री कृपानन्द झा सर के अध्यक्षता भेटल। श्रेष्ठ संरक्षक लोकनिक सान्निध्य भेटल। मुद्दा पर आबी।



१.  सौराठ सभा के पुनरुत्थान करब से निर्णय लेल।


२.   दहेज मुक्त मिथिला स्थानीय सौराठ विकास समिति एवं अन्य संस्थासभ संग मिलिके सहकार्य करब से निर्णय लेल।


३.   दहेज मुक्त मिथिलाके स्वतंत्र संगठन बनायब से निर्णय लेल।


४.   दहेज मुक्त विवाह के प्रोत्साहन देब से निर्णय लेल।
 ५.   संगठन विस्तारके क्रममें स्थानीय एवं बाहरी सदस्य सभ के जोड़ब से निर्णय भेल। स्थानीय जिम्मेवारी सऽ लऽ के विभिन्न जगहके जिम्मेवारी सदस्य लोकनि सहर्ष स्वीकार कयलाह, जेकर सूची अलग सऽ पेश कयल जायत।


६.   सदस्यता शुल्क संरक्षक सदस्य - ५१०१/-, संस्थापक सदस्य - २१०१/-, आजीवन सदस्य ५०१/- एवं साधारण सदस्य १५१/- राखब से निर्णय लेल।


७.    सौराठ उपरान्त दहेज मुक्त विवाह समग्र मिथिलावासी हेतु बिना कोनो जाति-पाँति के भेदभाव रखने केवल मैथिली भाषाभाषीके लेल भारत तथा नेपालके विभिन्न स्थानपर सभा-आयोजना करब से निर्णय लेल।


८.    सदस्य सभ के-कोना सदस्यता ग्रहण करता से निर्णय लेल, जेकर अलगे लिस्ट बनाओल जायत, सदस्यता शुल्क तत्काल श्री प्रकाश चौधरीजी के खाता संख्या ११३०२५९४५०२ - खाताधारक: प्रकाश चन्द्र चौधरी, बैंक: स्टेट बैंक अफ ईण्डिया, रहिका शाखा में कैल जाय से निर्णय भेल।


९.   संगठन विस्तारके क्रममें स्थानीय नागरिक सभके सदस्यता अभियान हेतु कार्यकर्ता परिचालन, प्रचार-प्रसार हेतु आवश्यक पहल एवं आगामी २२ मई के सौराठमें सौराठ विकास समिति संग मिटिंग से निर्णय भेल।


१०.   सौराठके सफलता हेतु कार्यक्रम २०-२९ जून, २०११ धरि सदस्य सभके सक्रिय योगदान सऽ स्थानीय सौराठ विकास समिति संग सहकार्य करैत सभामें एक शिविर तथा मंच दहेज मुक्त मिथिलाके तरफ सऽ होयत से निर्णय भेल।


   एकर अलावे अनेको विन्दुपर सभ आदरणीय सदस्य सभक विचार भेटल आ ताहि विचार के एक बेर फेर सऽ समेटैक लेल इ थ्रेड के निर्माण कयल गेल, आब अपने लोकनि अपन-अपन विचार आ मिटिंगके संस्मरणके नीचां कमेन्टके रूपमें पोस्ट करी से आग्रह करैत फोरम के खोलैत छी।

धन्यवाद! जय मैथिली! जय मिथिला!!

परवीन नारायण चौधरी

मिथिला दैनिक क' समाचार ईमेल द्वारा प्राप्त करि :

Delivered by Mithila Dainik

  1. बहुत निक विचार सब गॉट मिल देलो , हम सब बहूत खुशी भेलो धन्यवाद अपनेक अही संस्थ के जे कदम उथेलाक

    उत्तर देंहटाएं
  2. ramakant jha
    to मैथिल

    show details 1:00 PM (3 hours ago)

    आदरणीय ,प्रबीन नारायण जी , खुसी भेल जे सौराठ सभा के पुहः जीनव देय , ओर सुचारू रूप स पुर्ब्ज के देल बिरासत के हम सब मिल कय निब राखी , आपितु आपनेक कहबाक आछी जे दहेज मुक्ति सौराठ सभा के पुहन मुदा हो , जान आन्दोलन के कारण सौराठ सभा के दहेज के कारन बंद भेल ओर किछु लोभी कारण मिथिला के गरिमा के तहस नाश कयल , पहिल जे लोग के आबेथ ओर अपन बहिन भेई के बिबाह सौराठ सहभा सा तय करेत ओर हम सब इ भावना हो , चुनचुन मिश्र आब हमरा सब के बिच नही रहला , परतु द्रोटर . इ.न.झा , आधीवक्ता ,हिरा बाबु ओर . सतीस जी , निलाब्र जी , हमर मित्री सोर्गी बबलू झा सब मिल का गाम गाम जाके आग्रह कय जे एक दिन बासते सौराठ सभा चलू ओर जानकी , राम रूपी बर ओर कनियक बिबाह तय करू !जन जागरण के जरूरत आछी ओर विकास के साथ साथ आब कनिया (बहीन ) सब सिक्छ त छति , हमरा सब के दहेज के लारी के कए नही अपन आधिकार सब बुच्ल छें
    धनबाद
    रमा कान्त झा सौराठ मधुबनी बिहार

    उत्तर देंहटाएं

मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।

 
#zbwid-2f8a1035