गजल-1
तन भिंजा कए मन जराबए आबि गेल साओन केर दिन।
विरह-वेदन तान गाबए आबि गेल साओन केर दिन।
खेलि कऽ बरसात अप्पन वस्त्र फेंकल सूर्यपर
चानकेँ सेहो लजाबए आबि गेल साओन केर दिन।
मधुर फूही भरल अमृत सँ प्लावित ई धरा
पान महारकेँ कराबए आबि गेल साओन केर दिन।
ई बसातक बात की हो अनल-कन-रंजित बहए
मोनकेँ पाथर बनाबए आबि गेल साअोन केर दिन।
खोहमे खोंताक खूजल द्वारिपर विधुआएल सन
विरहिणीकेँ बस डराबए आबि गेल साअोन केर दिन।
बाध हरियर, बोन हरियर हरियरे चहुँ दिस छै
धूरसँ आङन सुखाबए आबि गेल साअोन केर दिन।
बांसुरीपर टेरि रहलै के एहन रस-रोग राग
भेल भुम्हूरकेँ पजारए आबि गेल साअोन केर दिन।
सिमसिमाहे नूआ-सन झपसीमे लागए सहज-मन
सतलकेँ आओरो सताबए आबि गेल साअोन केर दिन।
गजल- 2
शेषांशपर रोदन करू वा गीत उदित भानपर।
किन्तु आफत अाबि पहुँचल मान और सम्मानपर।
दीप जम्बूद्वीप केर नित्त अकम्पित भए जरए
यएह सोचब िथक कठिन अनीति केर दोकानपर।
भेल वृद्धि ज्ञानमे, विज्ञानमे, संधानमे
जन्म दर केर बात की वृद्धि उत्थानपर।
किन्तु नैतिकताक अवनति आचरण, सम भावमे
देश हित केर बात तँ चलि गेल कोठीक कान्हपर।
देश गांधी, बुद्ध केर रहि गेल ने सुभाष केर
देश ई नाचए सदति घोटाला सबहक तानपर।
आब विचरण कए रहल नरभक्षी दोसर वेशमे
छैक कनिको ने दया एे नेना केर मुसकानपर।
टटका समाचार ईमेल द्वारा प्राप्त करि।
Popular
-
हम पहिल बेर अपने लोकनिक सेवा मे गीत प्रस्तुत कए रहल छी। छौड़ी चलै छैक एटम-बम के चालि (२) हे रे - छौड़ी ----- जेम्हरे चलै, भुइयाँ डोलै ...
-
१९४२-४३ क बंगालक अकालक विषयमे अमर्त्य सेन लिखै छथि जे एहि अकालमे बंगालमे लाखक लाख लोक मुइलाह (फेमीन इन्क्वायरी कमीशनक अनुसार १५ लाख) मुदा ...
-
मधुबनी। 11 दिसम्बर। [मिहिर कुमार झा "बेला"] बिहारक मुखिया नीतीश कुमार दहेजक खिलाफ छथि, ओ दहेज बंद करबाक बात क' रहल छथि, म... -
मिथिला - संस्कृतिक महान पाबनि थिक -मधुश्रावणी, जे साओन मासक कृष्ण - पक्षक पंचमीसँ प्रारम्भ आ शुक्लपक्षक तृतीया तिथिकेँ सम्पन्न होमऽबला ... -
सारण। 08 फरवरी। पढ़बाक प्रति जबरदस्त लगाव एक महिला मे देखबाक लेल भेटल। सारण जिलाक मढौरा मे एक महिला भोर पांच बजे बच्चा क' जन्म देली ...
Sponsor
मिथिला दैनिक मोबाइल ऐप्स डाउनलोड करि।
हमरा संग जुड़बाक लेल क्लिक करि।
Contact