गामक नेता (मैथिली कविता) : घनश्याम झा

चौक चौराहा पान थुकरथि

झुठ्ठे-फुस्से खुब फुदकथि

समाजसेवा केर नाटक कऽरथि

ओ सभ गामक नेता कहबथि।

गरीबक अनाज अपनहि खाइथ

जनता बीच उपदेश बांटथि 

लाज शर्म सभ घोरि पिबथि

ओ सभ गामक नेता कहबथि।

दोसरक आगु शान बघारथि

अबुझ सबके खुब बुझावथि

विकासक बात पर गला बाझनि

ओ सब गामक नेता कहबथि।

सभा मऽ अगवे फोटो खिंचवथि

पाग चादर माला खुबे पहिरथि

फुसियाहि कऽ गप्पा हांकथि

ओ सभ बड़का नेता कहबथि।

गरीब दिस घुड़ियौ नहि ताकैथ

पेपर मऽ टा नाम छपावथि

मिथिला कऽ सभ नाम घिनावैथ 

ओ सभ गामक नेता कहावैथ।

        

_घनश्याम झा

 राघोपुर, मनीगाछी, दरभंगा