अहमदाबाद। 16 जनवरी। विश्व हिंदू परिषद केँ अंतरराष्ट्रीय कार्यकारी अध्यक्ष प्रवीण तोगड़ियाक गुमशुदगी ल'केँ कैल्हि दिन भरी गहमागहमी केर माहौल रहल। विश्व हिंदू परिषद केँ विरोध-प्रदर्शन आओर बहुत रास अफवाहक बीच तोगड़िया राति लगभग 9 बजे अहमदाबाद केँ शाही बाग इलाका मे बेहोशीक हालत मे भेटला। फिलहाल ओ अस्पताल मे भर्ती छथि, जता हुनकर हालत स्थिर बताओल जे रहल अछि। एखन धरी पता नहि चलल अछि कि लापता होयबाक दौरान ओ कता रहला आओर हुनका की भेल छल?
प्राप्त जानकारी केर मुताबिक कियो फोन करीकें हुनकर बेहोश होयबाक जानकारी देलक आओर फेर ऐंबुलेंसक माध्यम सँ हुनका अस्पताल लाओल गेल। अहमदाबाद पुलिस केँ क्राइम ब्रांचक सूत्रक मुताबिक हाइपोग्लाइसीमिया (कम शुगर लेवल) केर शिकायतक बाद तोगड़िया बेहोश भ' गेल छला। अचेत अवस्था मे भेटल वीएचपी नेता केँ इलाजक लेल चंद्रमणि अस्पताल मे भर्ती कराओल गेल अछि।
पाबैन - तिहार