दरभंगा। 07 जनवरी। वृहस्पति दिन जीआरपी पुलिस ट्रेन मे भेल चोरी के वारदात मामला मे अज्ञात चोर सभक खिलाफ मामला दर्ज केलन्हि अछि। जीआरपी पुलिस थाना से भेटल जानकारी केर मुताबिक सिकन्दराबाद-दरभंगा एक्सप्रेस (17007) के कोच संख्या एस-3 मे बर्थ नंबर 17 आर 20 नम्बर पर मधुबनी जिलाक भवनाथ झा अपनी पुत्री मीनू कुमारी के संग बुध दिन रायपुर स दरभंगा लेल विदा भेल रहैथ।
यात्रा केर दरमियान अगला दिन भोर मे हुनक ट्राली बैग चोरी भ गेलन्हि। श्री झा द्वारा जीआरपी थाना मे दर्ज कराओल गेल एफआईआर मे उल्लेख कैल गेल अछि कि हुनक ट्रोली बैग धनबाद स्टेशन के आस-पास चोरी भेलन्हि। जाहि बैगमे सोना केर अंगूठी, बाली, 2600 टाका नगद, कपड़ा सहित बहुत रास शैक्षणिक कागजात छलैन। एही बाबत पुलिस द्वारा बताओल गेल कि चोरी के मामला दर्ज क आवश्यक अनुसंधान कैल जे रहल अछि।
एक टिप्पणी भेजें
मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।