मोन छल उदास सन
ओ अयली आस सन
स्वर्णिम-प्रकाश सन
मोहक सुवास सन
मादक मृदु हास सन
सतरंगी अकास सन
नचैत छलहुँ हम दूनू
राधा केर रास सन
बनल छली ओ हमर
भूखल केर ग्रास सन
सभ किछु नीके छलए
ओस-तृप्त घास सन
बनल छलौं हम हुनक
सदिखन दास सन
लागि गेल आब बुझु
ग्रहण खग्रास सन
किये अहाँ दऽ गेलहुँ
जहरक गिलास सन
आब सभ देखि रहल
कुटिल उपहास सन
बना देलहुँ कियै हमर
जिनगी लहास सन।
-- बाबा बैद्यनाथ झा, पूर्णिया
 - बाबा बैद्यनाथ झा){kind=link}
0 टिप्पणियाँ
मिथिला दैनिक (पहिने मैथिल आर मिथिला) टीमकेँ अपन रचनात्मक सुझाव आ टीका-टिप्पणीसँ अवगत कराऊ, पाठक लोकनि एहि जालवृत्तकेँ मैथिलीक सभसँ लोकप्रिय आ सर्वग्राह्य जालवृत्तक स्थान पर बैसेने अछि। अहाँ अपन सुझाव संगहि एहि जालवृत्त पर प्रकाशित करबाक लेल अपन रचना ई-पत्र द्वारा mithiladainik@gmail.com पर सेहो पठा सकैत छी।