जमीन पर जबरन कब्जा करबाक लेल केंद्रीय मंत्री गिरिराज सिंह सहित 33 गोटाक खिलाफ एफआईआर दर्ज - मिथिला दैनिक

Breaking

गुरुवार, 8 फ़रवरी 2018

जमीन पर जबरन कब्जा करबाक लेल केंद्रीय मंत्री गिरिराज सिंह सहित 33 गोटाक खिलाफ एफआईआर दर्ज

पटना। 08 फरवरी। दानापुर पुलिस स्टेशन मे जमीन पर जबरन कब्जा करबाक केस मे 33 गोटाक खिलाफ एफआईआर दर्ज कराओल गेल अछि। एहि मे केंद्रीय मंत्री आओर बिहार बीजेपी केँ दिग्गज नेता गिरिराज सिंहक नाम सेहो शामिल अछि। एफआईआर दर्ज भेलाक बाद बिहार के पूर्व उपमुख्यमंत्री तेजस्वी यादव बीजेपी आओर नीतीश कुमार पर निशाना साधने अछि।

अपने क' बता दी कि जमीन पर जबरन कब्जा करबाक आरोपक बाद आयल कोर्टक आदेशानुसार 33 लोगक खिलाफ दानापुर थाना मे एफआईआर दर्ज कराओल गेल अछि। 

तेजस्वी यादव ट्वीटक माध्यम सँ कहलनि कि केंद्रीय मंत्री गिरिरीज सिंह द्वारा 2 एकड़ 56 डिसिमल जमीन पर जबरन कब्जा करबाक आरोप मे पटना व्यवहार न्यायालय केँ आदेशानुसार दानापुर थाना मे (कांड संख्या 54/2018) एफआईआर दर्ज कायल गेल अछि। एहेन मंत्रीक घर करोड़ों टाका कैश सेहो बरामद कायल गेल छल मुदा तैयो ओ ईमानदार छथि।  

तेजस्वी यादव मुख्यमंत्री नीतीश कुमार सँ सेहो सवाल केलनि आओर पुछलनि कि आब अहाँ इस्तीफा देब? नीतीश जी, अहाँक नाकक नीचा अहाँक दुलरुआ सहयोगी दल के वरिष्ठ नेता आओर केंद्रीय मंत्री गिरिराज सिंह ने लगभग 3 एकड़ गरीबक जमीन पर जबरन कब्ज़ा क' लेना छथि।