भारतीय रेलवे रचलक इतिहास 100 बरखक पुरान पुल मात्र 7 घंटा मे बनेलक - मिथिला दैनिक

Breaking

शनिवार, 6 जनवरी 2018

भारतीय रेलवे रचलक इतिहास 100 बरखक पुरान पुल मात्र 7 घंटा मे बनेलक

लखनऊ। 06 जनवरी। भारतीय रेल विभाग अप्पन काज करबाक तरीका बदैल रहल अछि जाहिसँ रेलवे प्रशंसाक पात्र सेहो बैन गेल अछि। अपने क' बता दी कि भारतीय रेल मात्र 7 घंटा 20 मिनट मे एक पुलक निर्माण करबाक एक नवा कारनामा करीकेँ देखेलक। ई कारनामा उत्तरप्रदेशक अछि। एक दिस जता जाड़ आओर ओस सँ ट्रेन सभ लेट लतीफा होयत अछि आओर जनता रेलवे केँ ऐहिक जिम्मेवार मानैत अछि ओतहि रेलवे एहेन काज करीकेँ देखा सभक दिल जीत लेलक आओर आब एहि पुल पर ट्रेन 100 किमी प्रति घंटाक रफ़्तार सँ दौड़ सकैत अछि। 

अपने क' बता दी कि नजीबाबाद - मुरादाबादक बीच बुंदकी स्टेशन लग एक पुल लगभग 100 बरख सँ बेसी पुराना छल आओर ओकर हालत खस्ता भ' चुकल छल। एहि पर काज करैत रेलवे केर इंजीनियरिंग विभाग महज 7 घंटा 20 मिनट मे नया पुल तैयार क' देलक जाहिक चर्चा चहुओर भ' रहल अछि।

मंडल रेल प्रबंधक अजय कुमार सिंघल कहलनि कि एहि पुरान आओर जर्जर भ' चुकल पुल क' तोड़लाक बाद रेलवे केर  इंजीनियरिंग विभाग ऐहिक नवनिर्माण महज़ 7 घंटा 20 मिनट मे क' देलक। बुंदकी स्टेशन लग  डाउन लाइनक पुल सौ बरख सँ बेसी पुराना आओर जर्जर भ' चुकल छल जाहिकेँ रेलवे एक दम नवा क' देना अछि। 

आगा ओ कहलनि कि दुपहर 3.05 बजे तक पुलक ढांचा तैयार करीकेँ राखी देल गेल छल आओर 7 घंटा 20 मिनट मे (सांझ 5.15 बजे) तक नवनिर्माण काज पूरा क' लेल गेल। जखन पूरा तरहे पुलक निर्माण भ' गेल तँ  सांझ 5:40 बजे देहरादून सँ इलाहाबाद जाय बला लिंक एक्सप्रेस क' ऐहिक ऊपर सँ निकालल गेल। ऐहिक बाद ट्रेन नवा पुल पर सँ गुजरल।