दरभंगा : शुभंकरपुर केँ युवकक लाश रेलवे ट्रैकक बगल मे झाँखुड़ मे भेटल - मिथिला दैनिक

Breaking

बुधवार, 17 जनवरी 2018

दरभंगा : शुभंकरपुर केँ युवकक लाश रेलवे ट्रैकक बगल मे झाँखुड़ मे भेटल

दरभंगा। 17 जनवरी। [प्रणव कुमार चौधरी] हायाघाट - रामभद्रपुर रेलखंड पर कैल्हि मंगल दिन हायाघाट रेलवे आउटर सिग्नल सँ तीन-चार सौ मीटर दक्षिण एक झाँखुड़ मे 25 बरखक युवक केर लाश भेटला सँ पूरा इलाका मे सनसनी पसैर गेल अछि। लाश केँ देखबाक लेल झुण्डक झुण्ड लोग इकट्ठा भ' गेल छल। 

घटनास्थल पर पहुंचल लोग मृतक लग सँ प्राप्त भेल आधार कार्डक आधार पर मृतकक परिजन केँ एहि घटनाक सूचना देलक। ओतहि लोग सभ ऐहिक सूचना जीआरपी समस्तीपुर केँ सेहो देलक। सूचना भेटते  घटनास्थल पर पहुँचल जीआरपी कांस्टेबल चंद्रकांत वर्मा कहलनि कि उक्त युवकक पहिचान दरभंगा जिलाक शुभंकरपुर निवासी शंभू राय केँ 25 बरखक बेटा चंदन कुमारक रूप मे कायल गेल अछि। 

एहि घटना ल'केँ लोग तरह - तरह केँ कयास लगा रहल अछि। पहिल दृश्या ई ट्रेन सँ गिरबाक बुझा रहल अछि। पुलिस घटनाक छान बिन मे लागल अछि। एहि खबैर सँ शुभंकरपुर मे मातम पसरल अछि। शुभंकरपुर निवासी भाजपा प्रदेश कार्यसमितिक नेता बालेन्दु झा पीड़ित परिवारक प्रति संवेदना व्यक्त करैत ऐहिकेँ व्यक्तिगत क्षति कहलनि।