महत्वपूर्ण मुद्दा सभ पर सुनवाई लेल संविधान पीठक गठन, प्रेस कॉन्फ्रेंस बला 4 वरिष्ठ न्यायाधीश केँ नहि भेटल जगह - मिथिला दैनिक

Breaking

मंगलवार, 16 जनवरी 2018

महत्वपूर्ण मुद्दा सभ पर सुनवाई लेल संविधान पीठक गठन, प्रेस कॉन्फ्रेंस बला 4 वरिष्ठ न्यायाधीश केँ नहि भेटल जगह

नई दिल्ली। 16 जनवरी। सुप्रीम कोर्ट मे महत्वपूर्ण मामला सभक सुनवाई लेल प्रधान न्यायाधीश दीपक मिश्रा आओर 4 सभसँ वरिष्ठ न्यायाधीश सभक मतभेदक बीच शीर्ष अदालत कैल्हि सोम दिन सीजेआई केर अध्यक्षता मे पांच न्यायाधीश सभक संविधान पीठक गठन केर घोषणा केलक। खास बात ई अछि कि एहि पीठ मे ओ चारो न्यायाधीश शामिल नहि छथि, जे सभ प्रेस कॉन्फ्रेंस करी चीफ जस्टिस दीपक मिश्रा केर  प्रशासनिक कार्यशैली पर सवाल उठेना रहथिन। 

चारो न्यायाधीश - न्यायमूर्ति जे चेलामेश्वर, न्यायमूर्ति रंजन गोगोई, न्यायमूर्ति एम.बी. लोकुर आओर न्यायमूर्ति कुरियन जोसेफ मे किनको नाम पांच जजक संविधान पीठक सदस्य मे नहि अछि। आधिकारिक जानकारी केर मुताबिक पांच न्यायाधीशक पीठ मे सीजेआई दीपक मिश्रा, न्यायमूर्ति ए.के. सीकरी, न्यायमूर्ति ए.एम. खानविलकर, न्यायमूर्ति डी.वाई.चंद्रचूड़ आओरन्यायमूर्ति अशोक भूषण शामिल छथि। ई संविधान पीठ 17 जनवरी सँ कैको महत्वपूर्ण मामला पर सुनवाई शुरू करत।