दरभंगा : आय सँ दू दिवसीय 'मिथिला लोक उत्सव' केर शुभारंम भेल - मिथिला दैनिक

Breaking

शुक्रवार, 29 दिसंबर 2017

दरभंगा : आय सँ दू दिवसीय 'मिथिला लोक उत्सव' केर शुभारंम भेल

दरभंगा। 29 दिसम्बर। दरभंगा मे आय सँ दू दिवसीय मिथिला लोक उत्सव केर शुभारंम भेल। पर्यटन विभाग व जिला प्रशासन केर  तत्वावधान मे आयोजित एहि दू दिवसीय उत्सव केर उद्घाटन लहेरियासराय स्थित नेहरू स्टेडियम मे बिहार सरकार केँ पर्यटन मंत्री प्रमोद कुमार करता। कार्यक्रम ल'के नेहरू स्टेडियम मे भव्य पंडाल केर  निर्माण कराया गेल अछि। कैल्हि गुरु दिन कार्यक्रमक तैयारी केर जायजा लेबाक लेल जिलाधिकारी डॉ. चंद्रशेखर सिंह स्वंय अधिकारी सभक संग  नेहरू स्टेडियम मे मुस्तैद देखार देला। 

एहि दौरान जिलाधिकारी पदाधिकारी सभकेँ कैको आवश्यक दिशा-निर्देश दैत देखार देला। कार्यक्रम लेल मुख्य मंच सहित पंडाल क' आकर्षक ढ़ंग सँ सजाओल गेल अछि। मुख्य मंच पर दर्शक सभकेँ दरभंगा राज किला केर झलक देखबाक लेल भेटत। ऐहिक अलावा मैदानक दोसरछोर पर करीब सौ स्टॉल बनाओल गेल अछि, मैदानक बीचों-बीच मिथिला दलान केर  निर्माण कराओल गेल अछि। एहिठाम मिथिलाक घरेलु जीवनक संगे - संग सरकार केर महत्वाकांक्षी योजना सभमे एक हर-घर, नल-जल केर दृश्य देखबाक लेल भेटत। 

दू दिवसीय मिथिला लोक उत्सव केर पहिल आओर दोसर दिन स्थानीय कलाकार सभक संगे - संग मुंबई सँ आयल गायिका ममता शर्मा, राईजिंग स्टार केर उपविजेता मिथिलाक बेटी मैथिली ठाकुर, फरहान साबरी व आलीशा एंजेला अप्पन प्रस्तुति देत। 

अपने क' बता दी पछिला बरख 8 स्थानीय कलाकार सभ लोक उत्सव केर  दौरान अप्पन प्रस्तुति देना छल। मुदा एहि बरख दू दिवसीय कार्यक्रम केर  दौरान कुल 14 स्थानीय कलाकार अप्पन प्रस्तुति देत। एहि मे मुख्य रूप सँ विपिन कुमार मिश्रा, डॉ. ममता ठाकुर, अनुपमा मिश्रा, नीरज झा, जयप्रकाश नारायण पाठक, रामबाबू झा, जूली झा, माधव राय, मनीता पाठक, विभा झा, सुषमा झा, स्वेता रानी, पूनम मिश्रा, दीपक कुमार, कुमकुम मिश्रा आदि शामिल अछि।