पार्षद मधुबाला सिन्हा केलनि दहेज मुक्ति रथ केर भव्य स्वागत, कोतवाली ओपी सँ खानकाह चौक धरी मशाल ल'के चलली - मिथिला दैनिक

Breaking

सोमवार, 4 दिसंबर 2017

पार्षद मधुबाला सिन्हा केलनि दहेज मुक्ति रथ केर भव्य स्वागत, कोतवाली ओपी सँ खानकाह चौक धरी मशाल ल'के चलली

दरभंगा। 04 दिसम्बर। बिहार मे शराबबंदी के बाद दहेज प्रथा आओर बाल बिआह उन्मूलन के सरकारी प्रयासक बीच दैनिक जागरण द्वारा चलाओल जे रहल जागरुकता अभियान ल'के दरभंगा पहुँचल दहेज मुक्ति रथ केर  भव्य स्वागत शहर के लोग सभ केलनि। दहेज केर खिलाफ चलाओल जे रहल जागरुकता अभियान मे जनप्रतिनिधि, छात्र-छात्रा सभक संगे संग आम जन सभ खूब बढ़ी चढ़ीकेँ हिस्सा लेलनि। 


शहर के वार्ड 21 के पार्षद श्रीमती मधुबाला सिन्हा कोतवाली ओ पी थाना लग दहेज मुक्ति रथ केर भव्य स्वागत केलनि। श्रीमती सिन्हा अप्पन समर्थक आओर सहयोगी सभक संग खुद हाथ मे मशाल ल' खानकाह चौक तक गेली। एहि दौरान पार्षद सिन्हा लोग सभसँ बाल बिआह केर विरोध आओर दहेज मुक्त बिआह करबाक लेल आह्वान केलनि। रथ जहिना जहिना आगू बढ़ल रथक संग लोग सभक भीड़ बढ़ते गेल। महिला, युवा, बच्चा, बुजुर्ग सभमे रथक लेल बहुत उत्साह देखबाक लेल भेटल।