सरकार पर सौतेला व्यवहार करबाक आरोप लगबैत समस्तीपुर के किसान सभ शरू केलनि 'सत्याग्रह' - मिथिला दैनिक

Breaking

बुधवार, 1 नवंबर 2017

सरकार पर सौतेला व्यवहार करबाक आरोप लगबैत समस्तीपुर के किसान सभ शरू केलनि 'सत्याग्रह'

समस्तीपुर। 01 नवम्बर। कृषि ऋण माफी आ दूधक उचित दाम घोषित करबाक मांग ल' क' किसान सभ पूरा जिला म' सत्याग्रह आंदोलन शुरू क' देना छथि। किसान सभक आरोप अछि कि आजादी के सत्तर बरख बादो हुनका सभके उचित दाम नहि भेट रहल अछि।

एहि दौरान किसान सभ बिहार सरकार पर आरोप लगबैत कहलनि कि दोसर राज्य सभक किसान के कृषि ऋण माफ भ' चुकल अछि। जखनकि  केंद्र सरकार एवं राज्य सरकार बिहार के किसान सभक संग सौतेला व्यवहार क' रहल अछि। एहिठामक किसान बर्बाद आओर तबाह भ' रहल छथि।


प्रदर्शनकारी सभक कहब अछि कि प्रखंड सँ ल'क' पटना आ दिल्ली केर गद्दी पर बैसल विकास पुरुष क' समस्तीपुर जिलाक किसान सभ अप्पन समस्या सँ अवगत करौलनि। मुदा किनको ध्यान एहि दीस नहि गेल। एहिलेल परेशान भ' पूरा जिलाक किसान एकजुट भ' मुसरीघरारी थाना के अकलू चौक राष्ट्रीय राज मार्ग एनएच 28 पर अनिश्चित कालीन सत्याग्रह आंदोलन पर बैसल अछि। 

आंदोलनकारी सभक कहब अछि कि जाधरि हिनका सभक मांग पूरा नहि होयत, ताधरि ई सड़क सँ नहि हटता। एहि दौरान घटनास्थल पर मुसरीघरारी थाना के पदाधिकारी अप्पन दलबल के संग देखकर देलनि, मुदा किसान सभक तामस देख कुनू अधिकारी द्वारा सत्याग्रह पर बैसल  किसान सभसँ बात करबाक हिम्मत नहि देखौलनि। ओतहि, एनएच 28 पर गाड़ी सभक कतार लगातार बढ़ते जे रहल अछि आओर किसान सभक  संख्या सेहो लगातार बढ़ते जे रहल अछि।