गंडक नदी राष्ट्रीय जलमार्ग घोषित, एक बरखक भीतर शुरू होयत परिचालन - मिथिला दैनिक

Breaking

गुरुवार, 23 नवंबर 2017

गंडक नदी राष्ट्रीय जलमार्ग घोषित, एक बरखक भीतर शुरू होयत परिचालन

गोपालगंज। 23 नवम्बर। नमामि गंगे परियोजना केर तहत गंडक नदी मे नेपाल केँ भैंसा लोटन सँ पटना केँ गायघाट धरी जलपोत चलाओल जायत। ऐहिक लेल केंद्र सरकार सँ जलपोत चलेबाक स्वीकृति भेट गेल अछि। अगिला माह एहि योजना केर शिलान्यास कायल जायत आ एक बरखक भीतर काज पूरा करी जलपोत केर परिचालन शुरू क' देल जायत। 

कैल्हि बुध दिन भाजपा जिला कार्यालय मे विधायक मिथिलेश तिवारी  पत्रकार सभके ई जानकारी देलनि। विधायक मिथिलेश तिवारी कहलनि   कि नमामि गंगे परियोजना केर तहत गंडक मे जलपोत केर परिचालन कायल जायत। ई जलपोत नेपाल केँ भैंसा लोटन सँ पटना केँ गायघाट धरी चलत। एहिमे व्यापारी सभ सामान केर ढुलाई सेहो क' सकता। 

जलपोत भैंसा लोटन सँ बगहा, बेतिया, गोपालगंज, छपरा, वैशाली होयत गायघाट धरी चलत। भैंसा लोटन सँ पटना गाय घाट धरी करीब तीन सौ किलोमीटर केर दूरी लेल केंद्रीय परिवहन मंत्री नितिन गडकरी द्वारा एहि  एक हजार करोड़ टाकाक योजना क' स्वीकृति द' देल गेल अछि। 

जलपोत केर रुकबाक लेल बगहा, गोपालगंज के डुमरिया आओर बेतिया म' टर्मिनल बनाओल जायत। एहि योजना केर शिलान्यास करबाक लेल अगिला माह केंद्रीय परिवहन मंत्री नितिन गडकरी गोपालगंज औता। जिले के डुमरिया घाट पर टर्मिनल बनला सँ व्यवसायी नेपाल सँ सामान कीन एता उतारबाक बाद एनएच 28 केर माध्यम सँ दिल्ली धरी ल' जे सकैत छथि।