समस्तीपुर पुलिस क' भेटल बड़का सफलता, हथियार समेत पांच कुख्यात गिरफ्तार - मिथिला दैनिक

Breaking

शनिवार, 4 नवंबर 2017

समस्तीपुर पुलिस क' भेटल बड़का सफलता, हथियार समेत पांच कुख्यात गिरफ्तार

समस्तीपुर। 04 नवम्बर। समस्तीपुर प्रशासन आब अपराधी सभपर शिकंजा कसबामे भीड़ गेल अछि। बिहार एसटीएफ आ समस्तीपुर पुलिस केर संयुक्त टीम ताजपुर इलाका केँ मोरवा सँ पांच कुख्यात अपराधी क' गिरफ्तार करि बड़का उपलब्धि हासिल केना अछि। ओतहि हथियार केँ जखीरा सेहो बरामद केना अछि। जाहिमे एके 47, कार्बाइन, एक पिस्टल, 31 कारतूस, आठ मोबाइल आओर दू बाइक शामिल अछि। 

अपने क' बता दी गिरफ्तर सभ अपराधी समस्तीपुर जिला में कोनो बड़का   वारदात क' अंजाम देबै बला छल। ऐहिक खुफिया जानकारी सभसँ पहिने  बिहार एसटीएफ क' भेटल। अपराधी सभके चारो दिशा सँ घेरबाक बाद समस्तीपुर पुलिस क' सेहो एहि जॉइंट ऑपरेशन मे शामिल कायल गेल।  

जाहि समय पुलिस द्वारा छापामारी करि सभकेँ गिरफ्तार कायल गेल ओहि समे सभ अपराधी एक सरकारी  स्कूल लग जमा भ' अपराध केर  योजना बनबैत छल। एसपी दीपक रंजन एहि गिरोह केर संबंध म' बतौलनि कि सभकियो डब्लू झा गैंग के सक्रिय शूटर छथि आ ई गैंग बिहार के कैको जिला मे आतंकक पर्याय बनल छल।

एसपी दीपक रंजन कहलनि कि एहि गिरोह द्वारा ताजपुर चर्चित दवा कारोबारी डॉक्टर जनार्दन ठाकुर हत्या एवं हालही मे मुजफ्फरपुर मे 38 लाख टाका लुटबाक घटना क' सेहो अंजाम द' पुलिस केर नींद हराम क' देना छल। समस्तीपुर समेत कैको जिला मे एहि गिरोह द्वारा करीब दू  दर्जन सँ बेसी हत्या, लूट, रंगदारी केँ मामला क' अंजाम देल गेल अछि।