मधुबनी मे डायरिया केर कहर जारी, डायरिया सँ फेर भेल दू गोटाक मौत - मिथिला दैनिक

Breaking

गुरुवार, 16 नवंबर 2017

मधुबनी मे डायरिया केर कहर जारी, डायरिया सँ फेर भेल दू गोटाक मौत

मधुबनी। 16 नवम्बर। जिला मे कूड़ा - कड़कटक अंबार केर कारण आय - कैल्हि डायरिया केर प्रकोप बहुत बढ़ल जे रहल अछि। एहि बिमारी केर चपेट मे अएला सँ एखन धरी कैको गोटाक जान जे चुकल अछि। ताजा मामला मे डायरिया केर प्रकोप एक दलित परिवार केँ घर पर पड़ल अछि जाहिमे एकहि परिवारक दू गोटाक मौत भ' गेल अछि आओर छह गोटा एखनो बीमार बताओल जे रहल अछि। 

झंझारपुर नगर पंचायत केँ वार्ड 9 मे सामना आयल डायरिया के ताजा मामला मे एकहि परिवारक दू गोटाक मौत भ' गेल अछि। पीड़ित परिवार के भुल्ला मल्लिक कहलनि कि हुनकर 30 बरखक बेटी आओर पोता के डायरिया सँ मौत भ' गेल अछि। 

प्राप्त खबैर केर मुताबिक डायरिया सँ पीड़ित छह आन लोग सभके पासक  अस्पताल मे भर्ती कराओल गेल अछि। मृतका केँ माँ कौशल्या देवी केर मुताबिक एकाएक तबीयत खराब भेला आओर लगातार उल्टी भेलाक दुनू के मौत भेल।