बनगाँव सँ निकलल सद्भावना रथयात्रा 'संत शिरोमणि परमहंस लक्ष्मीनाथ गोस्वामी' केर जन्मस्थली गाम परसरमा पहुंचल - मिथिला दैनिक

Breaking

शुक्रवार, 24 नवंबर 2017

बनगाँव सँ निकलल सद्भावना रथयात्रा 'संत शिरोमणि परमहंस लक्ष्मीनाथ गोस्वामी' केर जन्मस्थली गाम परसरमा पहुंचल

सहरसा (बनगाँव)। 24 नवम्बर। सहरसा जिलाक बनगाँव गाम मे राम जानकी विवाह पंचमी केर सुअवसर पर 'लक्ष्मीनाथ सेवा मिशन' द्वारा आयोजित दू दिवसीय 'संत गोस्वामी लक्ष्मीनाथ महोत्सव' केर अंतिम दिन कैल्हि बाबाक केर भक्त लोकनि द्वारा सरबा सद्भावना रथयात्रा निकालल गेल। सद्भावना रथयात्रा कए पूर्व विधायक डॉ. आलोक रंजन व सदर एसडीपीओ प्रभाकर तिवारी झंडा देखा रवाना केलनि। 


बनगाँव सँ निकलल सरबा सद्भावना रथयात्रा मे गाजा - बाजा संग सैकड़ों मोटरसाइकिल, दर्जनो चारपहिया वाहन पर सवार बाबा केर सरबा सभ जय बाबाजी केर उद्घोष करैत 'संत शिरोमणि परमहंस लक्ष्मीनाथ गोस्वामी' केर जन्मस्थली गाम परसरमा लेल प्रस्थान केलनि। सरबा सद्भावना रथयात्रा बनगाँव, बरियाही बाजार, सहरसा, मत्स्यगंधा, सिहौल संगे कैको गामक भ्रमण करैत 'संत शिरोमणि परमहंस लक्ष्मीनाथ गोस्वामी' केर जन्मस्थली गाम परसरमा पहुंचल।  


लक्ष्मीनाथ सेवा मिशन द्वारा आयोजित सरबा सद्भावना रथयात्रा मे सभ धर्म - जाती मे बाबा केर प्रति श्रद्धा देखबाक लेल भेटल। पछिला किछु बरख सँ आयोजित होमै बला सरबा सद्भावना रथयात्रा केर शुभारम्भ पूर्व सदर एसडीओ जहाँगीर आलम झंडा देखा केना रहथिन। एहि बरख बरियाही बाजार मे ऑल इंडिया इस्लााहे अंजुमन सिद्दीकी केर जिला अध्यझ मो.शाह नवाज सिद्दीकी द्वारा बरियाही बाजार मे सद्भभावना रथयात्रा मे शामिल बाबा केर सरबा सभक बीच पेय जल आओर शरबत केर वितरण करैत कोमी एकता केर परिचय देल गेल। 

दू दिवसीय 'संत गोस्वामी लक्ष्मीनाथ महोत्सव' सँ बनगाँव सहित आसपास के गामक माहौल भक्तिमय बनल रहल। एहि आयोजन केर संयोजक राहुल कुमार झा कहलनि कि अगिला बरख सँ एहि महोत्सव  क' विशेष रूप सँ मनाओल जायत।