कटिहार के कुख्यात अपराधी विकास यादव हथियारक संग गिरफ्तार - मिथिला दैनिक

Breaking

मंगलवार, 24 अक्तूबर 2017

कटिहार के कुख्यात अपराधी विकास यादव हथियारक संग गिरफ्तार

कटिहार। 24 अक्टूबर। कटिहार पुलिस क' एक बड़का सफलता भेटल अछि, तीन देसी कट्टा आओर 30 जिन्दा कारतूस संग कुख्यात अपराधी विकास यादव क' पुलिस गिरफ्तार केलनि अछि। लूटक मोबाइल आओर बाइक सेहो पुलिस बरामद केलनि अछि। 

पुलिस अधीक्षक डॉ. सिद्दार्थ मोहन जैन कहलनि कि कटिहार पुलिस क' गुप्त सूचना भेटल कि जिला के पोठिया ओपी के मधेली रेलवे ढाला लग  कुख्यात अपराधी विकास यादव उर्फ ज्वाला यादव अप्पन सहयोगी सभक संग कुनु वारदात क' अंजाम देबाक फेराक़ म' छथि। सूचना भेटते हुनकर गिरफ्तारीक लेल कोढ़ा अंचल के इंस्पेक्टर अरविन्द कुमार केर नेतृत्व म' एक पुलिस टीम गठित करि कुख्यात विकास यादव क' गिरफ्तार क' लेल गेल, ओतहि आन पांच संदिग्ध क' सेहो हिरासत म' लेल गेल अछि।

प्राप्त सुचना केर मुताविक हत्या आओर लूट के आधा दर्जन सँ बेसी संगीन वारदात म' संलिप्त रहल छथि गिरफ्तार विकास यादव, संगहि कटिहार के अलावा आन सीमावर्ती जिला सभमे सेहो विकास यादव के खौफ अछि। पुलिस अधीक्षक डॉ सिद्दार्थ मोहन जैन कहलनि कि गिरफ्तार विकास यादव लग स' तीन देशी कट्टा, आठ एमएम की 19 जिन्दा कारतूस, 12 बोर के पांच जिन्दा कारतूस, पांच मोबाइल, एक बाइक आओर दू खोखा बरामद कायल गेल अछि।