खौफनाक हादसा : भागलपुर म' तेज रफ्तार कार आठ लोग क' दाबलक, दू केर मौत - मिथिला दैनिक

Breaking

शनिवार, 23 सितंबर 2017

खौफनाक हादसा : भागलपुर म' तेज रफ्तार कार आठ लोग क' दाबलक, दू केर मौत

भागलपुर। 23 सितम्बर। एक तेज रफ्तार कार कैल्हि शुक्र दिनक सांझ  सेंट्रल जेल लग सड़क कात ठाढ़ आठ लोग क' दाबी देलक। एहि भीषण हादसा म' दू लोगक मौत भ' गेल। छह गोटाक हालत गंभीर बताओल जे रहल अछि। एहि भीषण हादसा म' कार सवार पांच गोटा सेहो घायल बताओल जे रहल अछि।

प्रत्यक्षदर्शि सभक मुताबिक, घटना काल आठो गोटा सड़क कात ठाढ़ छला तखने तिलकामांझी स' जीरोमाइल दिस जे रहल तेज रफ्तार अनियंत्रित मारूति बलेनो कार सभके दाबी देलक। हादसा म' दुनू मृत व घायल जेल म' कैद अप्पन परिजन सभसँ भेंट करे आयल छला। अनियंत्रित कार सभके दाबैत एक गाछ सँ टकरा गेल। कारक रफ्तार केर अंदाजा एहि बात स' लगाओल जे सकैत अछि कि जेल के सामना मौजूद एक बंद गुमटी धक्का लगलाक बाद दस मीटर दूर जे गिरल। हादसे म' गाड़ी के अगुलका हिस्सा पूरा तरहे क्षतिग्रस्त भ' गेल। 

एहि दुर्घटना म' एक बाइक सवार (अज्ञात) केर मौके पर मौत भ' गेल। ओतहि कजरैली के कुमरथ गाम निवासी मकुंदी पासवान केर अस्पताल ल' जेबाक क्रम म' मौत भ' गेलनि। घायल म' नाथनगर के सबौर इंग्लिश फरका स्थित अपन घर जे रहल अमरदीप यादव आओर सुदामा यादव के अलावा हर्षवर्धन पासवान (कुमरथ, कजरैली), फंटुश कुमार (भदरिया), ज्ञानी पासवान (कुमरथ,कजरैली), सकीचंद पासवान (कुमरथ,कजरैली) शामिल छथि। 

घायल कार चालक वर्धमान क' न्यू टाउन निवासी अनिल रजक क' मायागंज अस्पताल म' भर्ती कराओल गेल अछि। प्राप्त जानकारी केर मुताबिक कार म' बैसल एकहि परिवार के दू बच्चा समेत एक पुरुष आओर एक महिला के निजी नर्सिग होम म' इलाज चैल रहल अछि।