बाढ़ि सँ बर्बाद भेल बिहारक हवाई सर्वेक्षण करे पूर्णिया पहुंचला प्रधानमंत्री नरेंद्र मोदी - मिथिला दैनिक

Breaking

शनिवार, 26 अगस्त 2017

बाढ़ि सँ बर्बाद भेल बिहारक हवाई सर्वेक्षण करे पूर्णिया पहुंचला प्रधानमंत्री नरेंद्र मोदी

पूर्णिया। 26 अगस्त। बाढ़ि सँ बर्बाद लोग सभक हाल बुझबाक लेल प्रधानमंत्री नरेंद्र मोदी बिहार पहुंच गेल छथि। राज्य के बाढ़ि प्रभावित इलाका सभक हवाई सर्वेक्षण करबाक लेल प्रधानमंत्री नरेंद्र मोदी आए  पूर्णिया पहुंच गेलथि। प्रधानमंत्री मोदी विशेष विमान सँ पूर्णिया के चूनापुर एयरपोर्ट पहुँचलथि। एहिठाम मुख्यमंत्री नीतीश कुमार आओर  उपमुख्यमंत्री सुशील मोदी हुनकर स्वागत केलनि। 

पूर्णिया के एक अधिकारी कहलनि कि चूनापुर एयरपोर्ट सँ प्रधानमंत्री मोदी बाढ़ि प्रभावित इलाका सभक सर्वेक्षण करबाक लेल निकैल गेलथि। हुनका संग मुख्यमंत्री नीतीश कुमार आओर उपमुख्यमंत्री सुशील मोदी के अलावा कैको अधिकारी सेहो छथि।

प्रधानमंत्री सीमांचल क्षेत्र के जिला सभक सर्वेक्षण क' रहल छथि। हवाई सर्वेक्षण के बाद पूर्णिया म' बाढ़िक स्थिति ल'क' उच्चस्तरीय समीक्षा होएत। एहि दौरान नीतीश कुमार आओर सुशील मोदी सहित सरकार के वरिष्ठ अधिकारी सेहो मौजूद रहथिन। समीक्षा बैठक म' राज्य सरकार बाढ़ि सँ भेल नुकसान केर पूरा ब्योरा प्रधानमंत्री क' देत। 

अपने क' बता दी बिहार के 19 जिलाक 186 प्रखंडक 1.67 करोड़ सँ बेसी  आबादी बाढ़िसँ प्रभावित अछि। बाढ़िक चपेट म' अएला सँ एखन धरी 426 लोगक मौत भ' चुकल अछि। किछु जगह पर बाढ़िक पैन कमबाक खबैर अछि जाहिसँ प्रभावित लोग सभ अप्पन घर लौट रहल छथि, मुदा जता पैन कमल अछि ओता बीमारी पसरबाक डर बनल अछि।