कांवरिया सँ भरल गाड़ी पलटला सँ एक कांवरिया केर मौत 22 घायल - मिथिला दैनिक

Breaking

शुक्रवार, 4 अगस्त 2017

कांवरिया सँ भरल गाड़ी पलटला सँ एक कांवरिया केर मौत 22 घायल

कटिहार। 04 अगस्त। कटिहार जिलाक कुर्सेला थाना क्षेत्र के एनएच-31 के देवीपुर आईबीपी पेट्रोल पंप लग पश्चिम बंगाल के उत्तर दिनाजपुर सँ देवघर जे रहल कांवरिया सँ भरल गाड़ी अनियंत्रित भ' सड़कक कात खधैर म' पलैट गेल। एहि हादसा म' मौके पर दस बरखक एक मासूम केर मौत भ' गेल जखनकि 22 गोटा घायल बताओल जे रहल अछि। 

घायल कांवरिया सभके ग्रामीण सभक मदैद सँ स्थानीय कुर्सेला प्राथमिक स्वास्थ्य केन्द्र म' भर्ती कराओल गेल, जता चिकित्सक टीम द्वारा सात कांवरिया के हालत नाजुक देखैत हुनका सभके कटिहार सदर अस्पताल रेफर क' देलनि। 

मौका पर पहुँचल कुर्सेला थानाध्यक्ष विनोद कुमार सिंह कहलनि कि घटना बाइक सवार क' बचेबा म' घटित भेल। सभ कांवरिया पश्चिम बंगाल के उत्तर दिनाजपुर के रानिदिग्घी गामक बताओल जे रहल अछि।