पटना के ऐतिहासिक गांधी मैदान म' बीजेपी केर खिलाफ एक मंच पर 18 दल - मिथिला दैनिक

Breaking

सोमवार, 28 अगस्त 2017

पटना के ऐतिहासिक गांधी मैदान म' बीजेपी केर खिलाफ एक मंच पर 18 दल

पटना। 28 अगस्त। पटना के ऐतिहासिक गांधी मैदान म' आरजेडी सुप्रीमो लालू प्रसाद यादव केर 'देश बचाओ, बीजेपी भगाओ' महारैली म' विपक्ष केर एकता जरूर देखबाक लेल भेटल, मुदा लालू केर निशाना पर सिर्फ  मुख्यमंत्री नीतीश कुमार रहलनि। लालू यादव ई रैली बीजेपी केर खिलाफ बजेना छला, मुदा बीजेपी आओर प्रधानमंत्री नरेंद्र मोदी के बजाय अपन  पुरान संगी नीतीश कुमार पर बरसैत नजरि अएला। हुनकर भाषण म' महागठबंधन टुटबाक  दर्द साफ साफ झलकैत छल।

नीतीश कुमार पर हमला करैत लालू यादव कहलनि कि हुनका कहियो  नीतीश कुमार पर भरोसा नहि छलनी, मुदा सांप्रादायिक ताकत सभके रोकबाक लेल भारी मन सँ विधानसभा चुनाव सँ पहिने महागठबंधन केलनि। आगा ओ कहलनि कि एहि समय एनडीए म' जेभि बिहारक बड़का नेता छथि सभ हुनके प्रोडक्ट्स अछि। 

एहि दौरान लालू यादव आरोप लगेलनि कि बिहारक राजनीति म' तेजस्वी यादव केर बढ़ैत डेग सँ नीतीश कुमार परेशान भ' गेल छला। नीतीश कुमार भीतरे भीतर जड़ैत रहथिन, हुनका ई देखल नहि जाएत छलनि कि हुनकर आगू के जनमल जनता म' लोकप्रिय भ' रहल छथि। नीतीश साजिशन तेजस्वी क' कलंकित करबाक लेल महागठबंधन सँ अलग भ' बीजेपी संग गेला। 

लालू यादव केर भाषण म' नीतीश कुमारक खिलाफ जबरदस्त तामस नजैर आएल। लालू यादव कहलनि नीतीश पहिने संघ मुक्त करबाक नारा दैत छला, आब खुदे संघ केर कोरा म' बैसल छथि। एहि दौरान लालू यादब सीबीआई छापा के लेल सेहो नीतीश कुमार क' जिम्मेदार बतौलनि। कुल मिला लालू केर निशाना पर बीजेपी के बजाय नीतीश कुमार रहलनि।