मिथिलांचल म' एखन धरी बाढ़ि सँ 426 लोगक मौत, 19 जिलाक 1.67 करोड़ आबादी प्रभावित - मिथिला दैनिक

Breaking

शनिवार, 26 अगस्त 2017

मिथिलांचल म' एखन धरी बाढ़ि सँ 426 लोगक मौत, 19 जिलाक 1.67 करोड़ आबादी प्रभावित

दरभंगा। 26 अगस्त। मिथिलांचल म' बाढ़िक हालत चिंताजनक बनल अछि। कैल्हि शुक्रदिन धरी बाढ़ि सँ मरै बलाक आंकड़ा 426 पहुंच गेल। मिथिलांचल के 19 जिला म' लगभग 1.67 करोड़ लोग बाढ़ि सँ प्रभावित अछि। किछु जगह पर बाढ़िक पैन कमबाक खबैर अछि जाहिसँ प्रभावित लोग सभ अप्पन घर लौट रहल छथि, मुदा जता पैन कमल अछि ओता बीमारी पसरबाक डर बनल अछि। 

सरकार द्वारा बाढ़ि प्रभावित इलाका म' अस्थिर - अस्थिर राहत शिविर सेहो कम काएल जे रहल अछि। पहिने कुल 624 शिविर बनाओल गेल छल जाहिके कम करि 368 काएल गेल अछि। एहिमे लगभग 1.59 लाख लोग आश्रय ल' रहल छथि। ई जानकारी आपदा प्रबंधन विभाग देलनि।