श्रावणी मेलाक लेल सहरसा सँ वाया मुंगेर गंगा ब्रिज दके चलाओल जाएत दू स्पेशल ट्रेन - मिथिला दैनिक

Breaking

मंगलवार, 4 जुलाई 2017

श्रावणी मेलाक लेल सहरसा सँ वाया मुंगेर गंगा ब्रिज दके चलाओल जाएत दू स्पेशल ट्रेन

सहरसा। 04 जुलाई। 10 जुलाई स' शुरू होमै बला विश्व प्रसिद्ध श्रावणी मेला केँ तैयारी म' जता जिला व रेल पुलिस व पदाधिकारी लोकनि भिड़ल छथि, ओतहि पूर्व रेलवे मालदा मंडल प्रशासन सेहो श्रावणी मेला म' अएबाक आओर जएबाक लेल लाखों कांवरियां सभक लेल चारि गोट स्पेशल ट्रेन चलेबाक मंजूरी द' देना अछि। रेल प्रशासन 9 जुलाई स' एहि सेवा केँ शुरुआत करत।

ई जानकारी पूर्व रेलवे मालदा मंडल के प्रभारी डीआरएम एसके सरदार द्वारा प्राप्त भेल। एसके सरदार कहलनि कि मुंगेर गंगाब्रिज स' दू श्रावणी स्पेशल ट्रेन चलाओल जायत। एहिमे गोरखपुर देवघर वाया मुंगेर आओर  दोसर सरहसा भागलपुर वाया मुंगेर शामिल अछि। गोरखपुर देवघर के लेल किऊल दके सेहो एक ट्रेन चलाओल जायत। ओतहि जमालपुर स' सुल्तानगंज लेल एक पैसेंजर ट्रेन चलाओल जायत। ऐहिक अलावा सुल्तानगंज स्टेशन पहुंचे बला 5 एक्सप्रेस ट्रेन क' सेहो 2 मिनट लेल रोकल जायत। सभ ट्रेन के टाइम टेबल जल्दे सार्वजनिक कएल जाएत।