ई रेलवे स्टेशन नहि, पटना के एयरपोर्ट अछि जनाब - मिथिला दैनिक

Breaking

बुधवार, 12 जुलाई 2017

ई रेलवे स्टेशन नहि, पटना के एयरपोर्ट अछि जनाब

पटना। 12 जुलाई। ओनातेँ रेलवे स्टेशन पर हम सभ भीड़ देखते रहैत छी, जता लोग सभके जमीन पर बैस ट्रेनक इंतजार करैत नजैर आबैत छथि। कियो सोइचो नहि सकैछ जे एहने दृश्य एयरपोर्ट पर देखबाक लेल भेटत।  पटना एयरपोर्ट के ई फोटो रेलवे स्टेशन जेहन खिस्सा कहैत नजैर आएब रहल अछि। 

अपने क' बता दी जे राजधानी पटना के बीचों - बीच स्थित जय प्रकाश नारायण इंटरनेशनल एयरपोर्ट बहुत छोट अछि। चाहे विमानक लैंडिंग के जगह होय वा एयरपोर्ट के भीतर यात्री सभक बैसबाक जगह। पटना एयरपोर्ट के ई बहुत शर्मनाक फोटो सामना आएल अछि, अहाँ साफ देखि सकैत छी जे एहो फोटो म' यात्री लोकनि जमीन पर बैसल छथि। एक फोटो म' जाता यात्री लोकनि अखबार बिछा बैसल नजैर आबैत छथि ओतहि दोसर फोटो म' यात्री लोकनि ठाढ़ देखकर द' रहल छथि। हिनका सभके बैसबाक लेल जगह नहि अछि।

एतबे नहि पटना एयरपोर्टक रनवे के लंबाई सेहो छोट अछि, जाहि कारणसँ पायलट बड्ड जोखिम उठा विमान सभक लैंडिंग करैत छथि। ओनाकि एयरपोर्ट के विस्तार काएल जे रहल अछि आओर साल 2021 तक दू गोट नबका मकान के बनबाक बाद पटना एयरपोर्ट सालाना 50 लाख यात्री सभक यात्रा संचालित करबा म' सक्षम भ' जाएत। पटना एयरपोर्ट के मौजूदा वार्षिक क्षमता 5 लाख यात्री अछि।