तीन फीटक दूल्हा आओर ढाई फीटक दुल्हिन के देखबाक लेल उमड़ल भीड़ - मिथिला दैनिक

Breaking

शुक्रवार, 10 मार्च 2017

तीन फीटक दूल्हा आओर ढाई फीटक दुल्हिन के देखबाक लेल उमड़ल भीड़

सिवान। 10 मार्च। ओनातेँ बियाह सभक होयत अछि। मुदा किछु बियाह एहेन होयत अछि जे यादगार आओर खास बैन जायत अछि। एहने एक बियाह सीवान मे भेल, जता तीन फीटक वर-वधु केँ देखबाक लेल लोग सभक भीड़ उमैर पड़ल।

असल मे सीवान के गुठनी थाना क्षेत्रक सेमाटार गाम मे एक छोट कदक लड़का के हुनके सनक दुल्हिन भेट गेल। दुनूक जोड़ी बहुत जमैत छल आओर दुनु एक दोसर के पाबि बहुत खुश देखार देलनि। अपने के बता दी कि गुठनी थाना क्षेत्र के सेमाटार गाम निवासी जयराम शर्मा अपन बेटा विश्वजीत शर्मा के दिव्यांग आओर छोट कद होयबाक कारण से हुनक बियाह लेल बहुत चिंतित रहैत छला। लेकिन एक व्यक्ति केर पहल पर हुनक बेटा के बियाह हुनके जोका दिव्यांग आओर छोट कदक छपरा जिला के गड़खा थाना क्षेत्र के रामपुर निवासी गुलाब शर्मा केर पुत्री अनिता से 6 मार्च के बड़ा धूमधाम से सम्पन्न भेल।