शराबबंदी लेल मुख्यमंत्री नीतीश कुमार 'अणुव्रत पुरस्कार' सँ सम्मानित - मिथिला दैनिक

Breaking

बुधवार, 29 मार्च 2017

शराबबंदी लेल मुख्यमंत्री नीतीश कुमार 'अणुव्रत पुरस्कार' सँ सम्मानित

पटना। 29 मार्च। मुख्यमंत्री नीतीश कुमार कए शराबबंदी लागू करबाक लेल अणुव्रत  पुरस्कार सँ सम्मानित काएल गेलनि। राज्यपाल रामनाथ कोविंद केर मौजूदगी मे श्रीकृष्ण मेमोरियल हॉल मे आयोजित जैन धर्मगुरु आचर्य श्री महाश्रवण नागरिक अभिनन्दन समाहरोह मे ई पुरस्कार हुनका प्रदान काएल गेलनि। 

अहिंसा यात्रा केर पटना पहुँचबा पर एहि कार्यक्रम केर आयोजन काएल गेल छल। आचर्य श्री महाश्रवण केर सानिध्य मे अहिंसा यात्रा 15  हजार किलीमीटर आओर 19 राज्य केर दूरी तय करैत पटना पहुँचल। 

आचर्य श्री महाश्रवण अपन संबोधन मे कहलनि कि सरकारक डंडा आओर  धर्म केर झंडा सँ देश आगू बढ़त। आगा ओ नितीश कुमार केर तारीफ करैत कहलनि कि ई पुरस्कार नहि उपचार थीक, जाहिसँ नैतिकता क' प्रसारित काएल जे सके।

अणुव्रत  पुरस्कार प्राप्त करबाक बाद नीतीश कुमार लोग सभके संबोधित करैत कहलनि कि शराबबंदी केर फैसला एक राजनीतिक नहि सामाजिक फैसला अछि। शराबबंदी के फैसला लेब बहुत कठिन छल। मुदा समाजिक उत्थान लेल ई फैसला लेबा पड़ल। जहियासँ शराबबंदी लागू भेल अछि लोग खुशहाल छथि।