प्रश्नपत्र लीक मामले मे IAS वरिष्ठ अधिकारी सुधीर कुमार गिरफ्तार - मिथिला दैनिक

Breaking

शनिवार, 25 फ़रवरी 2017

प्रश्नपत्र लीक मामले मे IAS वरिष्ठ अधिकारी सुधीर कुमार गिरफ्तार

पटना। 25 फरवरी। बिहार कर्मचारी चयन आयोग (BSSC) के लिपिक संवर्ग के पिछला 5 फरवरी दिन आयोजित परीक्षा के प्रश्नपत्र लीक मामला  मे विशेष जांच टीम (SIT) BSSC के अध्यक्ष आओर भारतीय प्रशासनिक सेवा (IAS) के वरिष्ठ अधिकारी सुधीर कुमार क' गिरफ्तार केलन्हि अछि। पटना प्रक्षेत्र के पुलिस महानिरीक्षक नैयर हसनैन खान कैल्ह शुक्रवार दिन कहला कि SIT टीम उक्त मामला मे ठोस सबूत केर आधार पर BSSC अध्यक्ष सुधीर कुमार आओर 4 आन लोग के गिरफ्तार केलन्हि अछि।  

पुलिस के एक आन वरिष्ठ अधिकारी कहला कि सुधीर कुमार क' पड़ोसी राज्य झारखंड से गिरफ्तार कायल गेल अछि आओर पकड़ल गेल 4 आन लोग मे हुनकर भांजा आओर भतीजा सेहो शामिल अछि। एहि बिच IAS असोसिएशन सुधीर कुमार के गिरफ्तारीक विरोध करैत मामला केर निष्पक्ष करेबाक लेल एहिके CBI क' सौपबाक मांग केलन्हि अछि। कैल्ह शुक्रवार सांझ असोसिएशन के एक शिष्टमंडल हुनकर शीघ्र रिहाई केर मांग ल'के मुख्यमंत्री नीतीश कुमार से मिले पहुँचल। 

उल्लेखनीय अछि कि पिछला 6 फरवरी क' मुख्यमंत्री नीतीश कुमार प्रदेश के मुख्य सचिव अंजनी कुमार सिंह आओर पुलिस महानिदेशक पी. के. ठाकुर क' मामला के जांच करबाक निर्देश देना छल जाहिक बाद पुलिस महानिदेशक केर जांच रिपोर्ट आओर मुख्य सचिव के अनुशंसा पर पिछला 8 फरवरी क' मुख्यमंत्री एहि परीक्षा के रद्द करबाक घोषणा केना छल।

एहि मामलाक जांच लेल पटना के वरिष्ठ पुलिस अधीक्षक मनु महाराज केर नेतृत्व मे गठित SIT पिछला 8 फरवरी के सांझ BSSC के सचिव परमेश्वर राम क' गिरफ्तार करि न्यायिक हिरासत मे पटना स्थित बेउर जेल भेजना छल। एहि मामला मे कैल्ह शुक्रवार दिन सुधीर कुमार आओर 4 आन केर गिरफ्तारीक संग SIT द्वारा 2 दर्जन से बेसी लोग क' गिरफ्तार कायल जे चुकल अछि।