मुख्यमंत्री नीतीश कुमार के खिलाफ बगावत शुरू, तेजस्वी हेता अगला मुख्यमंत्री? - मिथिला दैनिक

Breaking

बुधवार, 15 फ़रवरी 2017

मुख्यमंत्री नीतीश कुमार के खिलाफ बगावत शुरू, तेजस्वी हेता अगला मुख्यमंत्री?

पटना। 15 फरवरी। बिहार मे चैल रहल गठबंधन सरकार के मुख्य सहयोगी पार्टी राजद मे तेजस्वी क' मुख्यमंत्री बनेबाक आवाज़ बुलंद होमे लागल अछि। आरजेडी के किछ विधायक सभ उपमुख्यमंत्री तेजस्वी यादव क' मुख्यमंत्री बनेबाक मांग केलन्हि अछि। आरजेडी के विधायक सुरेंद्र यादव, रामानुज आर आरजेडी कोटा से मंत्री चंद्रशेखर तेजस्वी के समर्थन मे आवाज उठौलन्हि अछि। जाहि पर लालू प्रसाद यादव सेहो समर्थन करैत कहलैन कि तेजस्वी भविष्य के मुख्यमंत्री अछि। 

ई मामला सुर्ख़ि मे तखन आयल जखन आरजेडी विधायक सुरेंद्र यादव कहलैन कि जाहि तरिकासे उत्तर प्रदेश मे अखिलेश यादव नीक ढंग सँ सरकार चला रहल छैथ, ओहितरहे बिहार मे तेजस्वी यादव सेहो सरकार चला सकैत छैथ। वक्त आइब गेल अछि कि तेजस्वी क' आब मुख्यमंत्री बनाओल जाए। 

विधायक सुरेन्द्र यादव के बातके आरो दम भेटल जखन राजद सुप्रीमो लालू प्रसाद एहि मामला मे अप्पन गप राखला। हाजीपुर मे लालू यादव पत्रकार सभक सवाल के जवाब दैत कहलैन कि अखिलेश यादव आर  तेजस्वी यादव भविष्य के मुख्यमंत्री अछि। किएक जे ओ खुद आर समाजवादी पार्टी के मुलायम सिंह यादव अब बूढ़ भ' चुकल छैथ।

अपने के बता दी कि लालू यादव फिलहाल ई साफ क' देलैन्ह कि एखन बिहार मे मुख्यमंत्रीक कुर्सी लेल कुनु वैकेंसी नहि अछि, किएक जे नीतीश कुमार मुख्यमंत्री छैथ आर सरकार चला रहल छैथ। 

तेजस्वी क' मुख्यमंत्री बनेबाक मांग पर सांझ धरी जनता दल यूनाइटेड दिस से सेहो ओहि सभ आरजेडी विधायक क' जवाब देल गेल, जे तेजस्वी क' मुख्यमंत्री बनेबाक गप उठेना छला। जदयू प्रवक्ता नीरज कुमार कहलैन  की बिहार चुनाव से पहिने लालू प्रसाद नीतीश कुमार क' महागठबंधन के नेता मानने छला, ऐनामे बिहार मे मुख्यमंत्री के लेल वैकेंसी नहि अछि।