मैथिल दुलारी 'मैथिली ठाकुर' मिथिलांचलक नाम रौशन केलीह - मिथिला दैनिक

Breaking

सोमवार, 13 फ़रवरी 2017

मैथिल दुलारी 'मैथिली ठाकुर' मिथिलांचलक नाम रौशन केलीह

मुम्बई। 13 फरवरी। संपादकीय [ जितमोहन झा ] मिथिलाक बेटी 'मैथिली ठाकुर' कलर्स टीवी चैनल पर शुरू भेल सिंगिंग रियालटी शो ‘राईजिंग स्टार’ मे मिथिलांचलक नाम रौशन केलीह। मैथिली ठाकुर ‘राइजिंग स्टार’ के पहिले परफॉरमेंस मे धमाकेदार इंट्री संग अप्पन प्रतिभा सँ सभक मोन मोहि लेलिह। राइजिंग स्टार मे मैथिली ठाकुर के शनिवार रातिक शो केर  दौरान पहिल परफॉरमेंस छल। जाहिमे मैथिली ठाकुर अप्पन प्रतिद्वंदि सभके पछाड़ैत 94% वोटिंग के संग नंबर एक पर रहली। 

अपने के बता दी एहि सिंगिंग रियालटी शो ‘राइजिंग स्टार’ के जज मुख्य रूप सँ ऑडियन्स छलाह। जाहिमे लाइव शो केर दौरान कलर्स टीवी के एंड्राइड एप्प सँ ऑनलाइन वोटिंग क' मुख्य आधार मानल गेल छल। मैथिली ठाकुर पहिल राउंड मे बम्पर वोटिंग संग दोसर राउंड मे अप्पन जगह बनेलीह। ई प्रक्रिया आठ राउंड तक चलत, जाहिमे मैथिली के बहुत रास चुनौतिक सामना करे परतैन्ह। समस्त मिथिलांचल वासी के पूर्ण विश्वास छैन्ह कि मैथिली अप्पन प्रतिभाक दम पर ई शो अप्पन नाम करती। 

एक दिस हुनक पहिल राउंड केर सफलता पर जते समस्त मिथिलांचल वासी ख़ुशी सँ झुमैत छल, ओतहि दोसर दिस हुनक एहि सफलता पर किछ मिडिया आर संगठन के बिच सोशल मिडिया पर घमर्थन शुरू भ' गेल। मिडिया बला मैथिलीक सफलता के अप्पन ध्येय कहलैन, तेँ संगठनक लोग मैथिलीक सफलता के संगठन द्वारा चलाओल गेल अभियानक फल। 

 यौ जी महाराज मैथिली ठाकुर क' ई सफलता हुनक लगन, प्रतिभाक बदौलत भेटलैन्ह। मिडिया व संगठन हुनका एहिठाम पहुँचाबै मे जरूर अप्पन योगदान देलैन्ह मुदा, सफलता के क्रेडिट मैथिली ठाकुर के लगनक संगे - संग हर ओय इंसान के जायत अछि जे हुनका प्रोत्साहित करैत हुनका लेल वोटिंग केलैन्ह। 

मैथिली ठाकुर लेल वोटिंग करबा मे पहिल बेर मैथिलवृन्द अप्पन एकता देखेलैन्ह, आर मैथिली ठाकुर के जीत समस्त मिथिलांचलक जीत थीक। ओहियो मे मैथिली एहि जीतक संग पहिल पायदान पर पहुँचल छथि, ताहिलेल हमरा लोकनि के ई प्रयाश करबाक चाही कि हुनका बेसी सँ बेसी प्रोत्साहित करि ताकि ओ आगुओ एहि जंग के सफलता पूर्वक जितैत मिथिलांचलक नाम रौशन करैथ।