कर्पुरी जयन्ती पर कैको कार्यक्रम आयोजित - मिथिला दैनिक

Breaking

बुधवार, 25 जनवरी 2017

कर्पुरी जयन्ती पर कैको कार्यक्रम आयोजित

मधुबनी। 25 जनवरी। कैल्ह मंगलवार दिन मिथिला समेत सगर भारत मे याद कायल गेलाह जननायक कर्पूरी ठाकुर। हुनक 93वीं जयंती पर झंझारपुर अनुमंडल मुख्यालय सहित ग्रामीण क्षेत्र मे बिभिन्न राजनीतिक दल द्वरा जगह जगह कार्यक्रम आयोजित करि हुनका श्रद्धासूमन अर्पित कएलन्हि। झंझारपुर के ललित कर्पुरी स्टेडियम मे नगर पंचायत के मुख्यपार्षद सोना देवी, वार्ड पार्षद पंकज कुमार चौधरी, राजु महतों, कुमर कान्त पासवान, दिनेश मंडल, जगदीश चौधरी, राज कुमार महतों आदि  जननायक कर्पुरी जी केर प्रतिमा पर माल्यार्पण करि श्रद्धासूमन अर्पित कएलन्हि। 

एमहर झंझारपुर आर एस के कैथिनियां गुमटी पर समाजवादी पार्टी के राम शंकर पाठक, प्रबोध चन्द्र दास, रमेश कुमार झा, मो कलाम, प्रमोद कुमार यादव, जावेद अंजुम, संजीव झा, मो रफीक आदि कार्यकर्ता सभ कर्पुरी जी के फोटो पर माल्यार्पण कएलन्हि। स्थानीय खादी भण्डार परिसर मे भाजयुमों के जिला मंत्री प्रदीप कुमार ठाकुर केर अगुवाई मे भरत महतों, जगदीश भगत, भगवान दास, गंगा पासवान, जीतेन्द्र गुप्ता लोकैन सेहो पुष्पांजलि अर्पित करि हुनका श्रद्धासूमन अर्पित कएलन्हि। जखनकि झंझारपुर बाजार स्थित चिल्ड्रेन पार्कमे नगर जद यू के कार्यकर्ता सभ बैजु नारायण चौधरी केर अध्यक्षता मे जयन्ती समारोह केर आयोजन कएलन्हि।