दोसरक सुरक्षा करै बाला 'मांझी थाना' खुद असुरक्षित, कते गेल सरकार के थाना के हाइटेक बनेबाक योजना - मिथिला दैनिक

Breaking

गुरुवार, 5 जनवरी 2017

दोसरक सुरक्षा करै बाला 'मांझी थाना' खुद असुरक्षित, कते गेल सरकार के थाना के हाइटेक बनेबाक योजना

छपरा। 05 जनवरी। लोग सभ के सुरक्षा प्रदान करै बला थाना खुद असुरक्षित अछि। छपरा जिला के मांझी थाना के पुलिस दिन - राति आम नागरिक सभ के बेहतर सुरक्षा प्रदान करबाक लेल बोझ उठा रहल अछि  लेकिन कुनु भी मौसम मे हुनका सभ के रहबाक लेल भवन नहि अछि। चाहे ठण्ड होय या बरसात के मौसम लोग सभके सुरक्षा देबा मे तत्पर अछि। बिहार आर उत्तरप्रदेश केर सीमा भेला से ई थाना बहुत महत्वपूर्ण मानल जायत अछि। एहि थाना मे पाछु से कुनु चाहरदिवारी नहि अछि।  जन सहयोग से आगुक चाहरदिवारी बनाओल गेल अछि। जिला शस्त्र पुलिस कुनु तरहे वर्तमान के जर्जर भवन के एक हिसा मे रही रहल अछि। पुलिस पदाधिकारी सेहो पुरनका जर्जर भवन मे रही रहल छैथ।

एहि थाना केर अंतर्गत दुनु पुलिस पिकेट सेहो जर्जर भवन मे चलैत अछि। पिकेट के अप्पन भवन तक नहि अछि। ताजपुर मे स्थित पिकेट कॉपरेटिव के जर्जर भवन मे संचालित होयत अछि। महम्मदपुर मे उप स्वास्थ्य भवन के पुरनका भवन मे संचालित होयत आछो दोसर पिकेट।

एहि थाना मे बहुत रास वाहन आर आन समान बरामद होयत रहैत अछि। थाना मे सड़ी रहल वाहन आर आन सामान क' पुलिस विभिन्न कांड मे कुर्की केर दौरान जब्त केलन्हि अछि। कैको वाहन तें कागजात जांच एवं ओवरलोडिंग लेल पकड़ल गेल अछि। थाना मे सड़ी वाहन मे स्कार्पियो, इंडिका, बोलेरो, पिकअप वैन, मोटरसाइकिल शामिल अछि। थाना मे मालखाना आर गोदाम नहि होयबाक कारण से कुर्की के दौरान जब्त कायल गेल घरेलू सामान खुला आसमान के नीचा राखल अछि। घरेलू सामान मे फर्नीचर, बर्तन सहित कैको समान सड़ी रहल अछि। 

मालखाना आर गोदाम नहि होयबाक कारण से वाहन आर कुर्की से जप्त कायल गेल समान कबाड़ा जोका राखल अछि। अंग्रज सभक ज़माना के बनल जर्जर खपड़नुमा भवन मे पदाधिकारि आर पुलिस कर्मि सभक मेश चलैत अछि। जे कहियो भी ध्वस्त भ' सकैत अछि। सरकार द्वारा थाना के  आधुनिकीकरण आर हाइटेक बनेबाक योजना मजाक बनि रही गेल अछि। सरकारी उदासीनता के कारण थाना मे सुविधा व संसाधन सभक घोर अभाव अछि।