अवैध राशि नहि देला पर महिला क' रेफर कायल गेलन्हि, सड़क पर देली बच्चा क' जन्म - मिथिला दैनिक

Breaking

गुरुवार, 22 दिसंबर 2016

अवैध राशि नहि देला पर महिला क' रेफर कायल गेलन्हि, सड़क पर देली बच्चा क' जन्म

सहरसा। 22 दिसम्बर। सिमरी बख्तियारपुर अनुमंडलीय अस्पताल म' एक प्रसव पीड़ित महिला केर परिजन द्वारा अवैध राशि नहि ढेला  पर रति के अन्हार म' सहरसा रेफर क' देल गेलन्हि। रेफर केलाक बाद जहिना  महिला सहरसा लेल रवाना भेली, अस्पताल सँ कनिके दूरी पर ओ सड़के  पर बच्चा क' जन्म देलीह। ओहिक बाद परिजन सभ महिला क' पुन: अस्पताल म' भर्ती करबाक लेल कहलन्हि तेँ अस्पताल कर्मि सभ भर्ती करबा सँ  इंकार क' देलन्हि। जाहिक बाद परिजन सभ अस्पताल प्रबंधन पर मनमानी केर आरोप लगबैत खूब हंगामा केलन्हि। 

एहि संबंध म' महिला केर परिजन सभ अनुमंडल पदाधिकारी क' आवेदन द' कार्रवाई केर मांग केलन्हि अछि। ओतहि देल गेल आवेदन म' पीड़ित महिला के चाचा शैनी टोला निवासी सदानंद ठाकुर कहलनि कि हम सभ प्रसव पीड़ा के बाद अप्पन भतीजी ज्योति देवी क' रातिक करीब दस बजे सिमरी बख्तियारपुर अस्पताल म' भर्ती करेलहुँ। मध्य रात्रि म' प्रसव पीड़ा बढला पर नर्स कक्ष म' सुतल नर्स क' उठेलहुँ। जाहि पर नर्स पांच सौ टाका केर मांग केलीह आर देबा सँ इंकार केला पर हमर भतीजी क' रेफर क' देली आर जहिना सहरसा के लेल रवाना भेलहुँ, कनिके दूरी पर प्रसव पीड़ा बढलैन्ह आर किछे मिनट म' बच्चा जन्म लेलन्हि। 

परिजन सभ कहलनि कि जखन ओ सभ वापस अस्पताल घुरि मौजूद चिकित्सक क' मरीज क' भर्ती करबाक लेल कहलन्हि तेँ हुनका भर्ती करबा सँ इंकार क' देलन्हि। ओतहि घटना के बाद भाजपा नेता रितेश रंजन, भाजपा नगर अध्यक्ष संजीव भगत घटना म' लापरवाही बरतै बला नर्स आर डॉक्टर पर कार्रवाई करबाक मांग केलन्हि अछि।