नोटबंदी : 500 - 1000 के पुरनका नोट रखबा पर होयत कार्रवाई - मिथिला दैनिक

Breaking

मंगलवार, 27 दिसंबर 2016

नोटबंदी : 500 - 1000 के पुरनका नोट रखबा पर होयत कार्रवाई

नई दिल्ली। 27 दिसम्बर। 30 दिसम्बर के समयसीमा समाप्त भेलाक बाद अगर किनको लग 500 आर 1,000 के पुरनका नोट तय सिमासँ बेसी भेटत तेँ हुनका खिलाफ कार्रवाई कायल जे सकैत अछि। ई सिमा 10 नोट केर भ' सकैत अछि। एहेन भेला पर ओहि शख्स केर खिलाफ जुर्माना लगाओल जे सकैत अछि। 

खबर अछि कि सरकार एहि लेल अध्यादेश आनबाक तैयारी मे अछि। ओनाकि एहि बारे मे आधिकारिक तौर पर किछ नहि कहल गेल अछि, लेकिन एकरा कैल्ह बुधवार क' होमै बला कैबिनेट बैठक मे पेश कायल जे सकैत अछि।  

अध्यादेश के जरिया सरकार आर रिजर्व बैंक केर एहेन नोट रखनिहार लोग के हुनकर नोट के दाम देबाक वादा करै बला देनदारी क' समाप्त कायल जे सकैत अछि। 1978 मे मोरारजी देसाई केर जनता पार्टी सरकार  1,000, 5000 आर 10,000 के नोट बंद करबाक बाद एहि तरहक अध्यादेश जारी केना छल। उल्लेखनीय अछि कि पुरनका नोट क' बैंक मे जमा करबाक अंतिम तारीख 30 दिसम्बर तक अछि। ओनाकि 31 मार्च 2017 तक आरबीआई के काउंटर पर पुरनका नोट सीधे जमा कराओल जे सकैत अछि।