साइकिल केँ राशि नहि भेटला पर विद्यालय म' तालाबंदी करि छात्र - छात्रा सभ रोड जाम केलन्हि - मिथिला दैनिक

Breaking

मंगलवार, 6 दिसंबर 2016

साइकिल केँ राशि नहि भेटला पर विद्यालय म' तालाबंदी करि छात्र - छात्रा सभ रोड जाम केलन्हि

समस्तीपुर। 06 दिसम्बर। साइकिल केँ राशि नहि भेटला सँ आक्रोशित छात्र - छात्रा सभ आय मंगलवार दिन विद्यालय म' तालाबन्दी करैत राष्ट्रीय उच्च पथ संख्या 28 क' अकलु चैक लग घंटो जाम केलन्हि। इ मामला  राजकीय कृत उच्च विद्यालय बाघी के अछि। एहि विद्यालय केँ छात्र - छात्रा सभ क' पिछ्ला दुइ बरख सँ साइकिल एवं अन्य राशि सेहो नहि भेटल छैन्ह।

एहि सँ आक्रोशित भ' विद्यालय म' पढाई बला छात्र - छात्रा सभक संगे संग  हुनकर अविभावक सभ सेहो सड़क जाम केलन्हि। सभ कियो एक स्वर म' आरोप लगेलन्हि कि विद्यालय केँ प्रधानाध्यापक द्वारा पिछ्ला दुइ बरख सँ साइकिल एवं अन्य मद म' भेटै बला राशि नहि देल गेल। 

प्रधानाध्यापक सँ जखन राशि केर मांग कायल जायत अछि तेँ अनाप सनाप कहे लागैत छैथ आर कहैत छैथ जते जेबाक अछि जे केँ हमर शिकायत करू। जाम स्थल पर छात्र छात्रा व अविभावक सभ  द्वारा जिला शिक्षा अधिकारी, बीइओ, एचएम एवं विद्यालय केर शिक्षक सभक विरूद्ध नारा लगाओल गेल। 

आक्रोशित सभक कहब छैन्ह कि जाधरि सभ मद म' भेटै बला राशि सभ केँ नहि भेटत विद्यालय म' तालाबन्दी जारी रहत। जाम केँ सूचना पर पहुंचल पुलिस आक्रोशित सभ क' समझा-बुझा शान्त करौलनि आर एहि  संबंध म' आवश्यक आश्वासन देलन्हि। पुलिस केर आश्वासन पर तीन घंटा के बाद सड़क जाम समाप्त भेल।