जमीन विवाद मे छोट भाई अप्पन जेठ भाई - भौजाई के केलन्हि हत्या - मिथिला दैनिक

Breaking

गुरुवार, 29 दिसंबर 2016

जमीन विवाद मे छोट भाई अप्पन जेठ भाई - भौजाई के केलन्हि हत्या

मुजफ्फरपुर। 29 दिसम्बर। एक छोट - छीन जमीनक टुकड़ा खातिर एक भाई आपण जेठ भाई - भौजाई केर हत्या क' देलन्हि। घटना मुजफ्फरपुर के मीनापुर प्रखंडक नेउरा गाम के अछि, जते एक छोट भाई अप्पन जेठ भाई - भौजाई केर पिटैत - पिटैत हत्या क' देलन्हि। 

मृतक के पिता जयप्रकाश प्रसाद व माँ अप्पन हत्यारा छोट बेटा क' ने  मानसिक दिव्यांग बतौलन्हि। ग्रामीण सभ बतौलन्हि कि आय गुरुवार दुपहर करीब सवा दुइ बजे दुनु भाई मे बंटवारा लेलर विवाद उत्पन्न भ' गेलन्हि। जाहिमे छोट भाई मनीष कुमार अप्पन जेठ भाई कृष्ण कुमार व भौजाई सीमा देवी पर लोहा के रड से प्रहार क' लहूलुहान क' देलन्हि।  

ग्रामीण सभ दुनु घायल क' गंभीर स्थिति मे माता पिता संग एसकेएमसीएच ल' गेलन्हि, जते चिकित्सक दुनु के मृत घोषित क' देलन्हि। मृतका सीमा देवी के नैहर बला सभ बहुत दिन से बंटबारा करबाक लेल कहैत छलैन्ह। जाहिक मनीष सदिखन विरोध करैत रहथिन। 

आय एहि बातक लेल दुनु भाई के बिच विवाद बरहल आर मनीष अप्पन जेठ भाई  कृष्ण कुमार आर हुनकर पत्नी सीमा के हत्या क' देलन्हि। मृतक  कृष्ण कुमार के बियाह 2005 मे सीमा संग भेल छलैन्ह। हुनका दुइ पुत्र व एक पुत्री छैन्ह।