दरभंगा के दू घर में डकैती में लाखो के सम्पतिकs लूट , एक व्यक्ति के हत्या - मिथिला दैनिक

Breaking

रविवार, 4 दिसंबर 2016

दरभंगा के दू घर में डकैती में लाखो के सम्पतिकs लूट , एक व्यक्ति के हत्या


दरभंगा।  04 दिसम्बर। दरभंगा के सिंहवाड़ा थाना क्षेत्र के कटका गांव में शैन के राइत करीब 20 के संख्या में अपराधि दू घड़ के निशाना बनबैत करीब पांच लाख के संपति लूटी लेलक। डकैत हाफ पैंट एवं जैकेट पहनने छल। सभ अपराधी के उम्र 30 बरख के लगभग छल ,  एही दौरान डकैत एक व्यक्ति पर बम सs हमला क' देलक। जाहि हुनकर मौका पर ही मौत भ गेल। 
घटना कs सूचना पर पहुंचल एसएसपी सत्यवीर सिंह, इंस्पेक्टर अजय कुमार झा, एसडीपीओ दिलनवाज अहमद, थानाध्यक्ष राशिद परवेज इलाका में कैंप करि रहल छैथ।  डॉग स्क्वॉयड के सेहो बजायल गेल अछि। एक व्यक्ति के पूछताछ के लेल हिरासत में लेबाक के सेहो सूचना अछि।  
जानकारी के मुताबिक खंती, हथियार एवं लाठी-डंडा सs लैस अपराधि पाहिले नवीन चौधरी के घर के निशाना बनेलक आर ओतए सs तीस हजार रुपया नगद एवं आभूषण ल गेल।  एही के बाद वार्ड-3 की वार्ड सदस्या अर्चना देवी के घर पर हमला क'  देलक। बलपूर्वक वार्ड सदस्या के कान कs  बाली पांच हजार नगद, चाइर भैर सोनाक' आभूषण सहित लाखों के सम्पैत लूटी लेलक। 
एही दौरान दरभंगा व्यवहार न्यायालय के आदेशपाल शिवेश्वर ठाकुर उर्फ कोमल बाबा जागि गेला। अपराधि बम सs हुनका पर हमला करि देलक। जाहिसs हुनकर मौका पर मौत भ गेल।  कहल जा रहल अछि कि मृतक अपराधि के चिन्हैत छलाह।  सिंहवाड़ा पुलिस  शव के कब्जा मे लक पोस्टमार्टम के लेल डीएमसीएच पठा देलक। एसएसपी घटना के जल्द सs जल्द उद्भेदन करे के दावा कैला। एही घटना सs क्षेत्र में दहशत अछि। कटका पंचायत के इतिहास में पाहिले कहियो एहन घटना नै होबाक बात कहल रहल अछि।