सहरसा केँ जिलाधिकारी 19 प्रधानाध्यापक केर एक दिनक बेटन काटलन्हि - मिथिला दैनिक

Breaking

शनिवार, 26 नवंबर 2016

सहरसा केँ जिलाधिकारी 19 प्रधानाध्यापक केर एक दिनक बेटन काटलन्हि

सहरसा। 26 नवम्बर। सहरसा केँ जिलाधिकारी विनोद सिंह गुंजियाल  शिक्षा विभाग केर समीक्षात्मक बैठक म' कार्रवाई करैत जीविका रिपोर्ट केर आधार पर 19 प्रारम्भिक विद्यालय केँ प्रधानाध्यापक केर एक दिनक वेतन कटबाक, 49 प्रधानाध्यापक सँ स्पष्टीकरण देबाक आर अप्रैल मास सेँ बिना सूचना केँ अनुपस्थित रहे बाली शिक्षिका निशा कुमारी क' बर्खास्त करबाक निर्देश देलन्हि। 

डीएम गुंजियाल मध्याह्न भोजन योजना केर समीक्षा करि  12 लाख 88 हजार 8 सौ टक्का बकाया राशि वसूलबाक निर्देश सेहो देलन्हि। संगहि  सतरकटैया प्रखंड केँ प्रखंड शिक्षा पदाधिकारी द्वारा काज म' शिथिलता बरतबाक लेल  स्पष्टीकरण माँगलन्हि, प्रखंड केँ 17 शिक्षक केर एक दिनक वेतन स्थगित करबा आर 13 शिक्षक सँ स्पष्टीकरण पुछबाक निर्देश देलन्हि। 

राज्य सरकार राज्य केर विभिन्न विद्यालय सभ म' चलाओल जे रहल योजना सभक जांच करबाक जिम्मेवारी जीविका क' सौपना अछि। जीविका द्वारा जिला केँ 286 विद्यालय केर जांच करि डीएम क' रिपोर्ट भेजल गेल छल। ओहि रिपोर्ट केँ आधार पर डीएम एतेक नमहर कार्रवाई केलन्हि। 

समीक्षा बैठक म' जिला शिक्षा पदाधिकारी अब्दुल खालिक, वरीय उप समाहर्ता किरण सिंह, डीपीओ संजय सिंह, दिनेश चंद्र देव, पीओ चंद्रप्रकाश डीपीआरओ बिंदुसार मंडल सहित अन्य उपस्थित छलाह।