नीतीश कुमार केँ गृह जिला म' तरकारी बेचैत देखार देला पप्पू यादव - मिथिला दैनिक

Breaking

बुधवार, 23 नवंबर 2016

नीतीश कुमार केँ गृह जिला म' तरकारी बेचैत देखार देला पप्पू यादव

नालंदा। 23 नवम्बर। नालंदा। जन अधिकार पार्टी केँ राष्ट्रीय अध्यक्ष व सांसद राजेश रंजन उर्फ पप्पू यादव हमेशा अप्पन बयान लेल सुर्खि म' रहैत छैथ। मुदा एहि बेर दोसरे करण सँ चर्चा म' छैथ। पप्पू यादव कैल्ह नीतीश कुमार केँ गृह जिला म' सड़क पर तरकारी बेचैत देखार देला। माथ पर छिट्टा राखी यादव तरकारी बेचैत छला।

दरअसल, पप्पू यादव नोटबंदी केँ बाद किसान सभ क' भ' रहल परेशानी क' दर्शाबे चाहैत छला। ओ एहि माध्यम सँ दर्शेला कि नोटबंदी केर कतेक  असर किसान पर पड़ी रहल छैन्ह। पप्पू केर छिट्टा म' फूल कोबी आर हाथ म' सजमैन छलैन्ह। सांसद जखन माथ पर तरकारी ल' धुमैत छला तखन हुनका संग सैकड़ों समर्थक सेहो छलैन्ह। 

पप्पू यादव केँ कहब छैन्ह कि जखन ओ बिहारशरीफ आबैत छला ओहि समय तरकारी विक्रेता सभ हुनका घेर लेना छलैन्ह आर अप्पन व्यथा सुनेना छलैन्ह। पप्पू यादव वर्तमान परिवेश म' नबका नोट अएलाक बाद भ' रहल  परेशानी के लेल केंद्र सरकार के ऊपर हमला केलन्हि। ओ कहलनि कि भारत वर्ष म' सभसँ बेसी काला धन नेता आर ब्यूरोक्रेट्स सभक लग छैन्ह। जाहि पर कुनु कार्रवाई नहि भ' रहल अछि आर एहिमें सभसँ बेसी परेशानी गरीब व किसान सभ क' भ' रहल छैन्ह।